سۋرەت: stan.kz
ءاسانالى جاي ارىپتەس ەمەس, تۋىسىمداي, بىرگە تۋعان باۋىرىمداي بولىپ كەتكەن جان ەدى. قازاقستاننىڭ تۇكپىر-تۇكپىرىنەن وقۋعا كەلگەن تالانتتى جاستاردىڭ ىشىندە تۇلعاسى مەنمۇندالاپ, دارالانىپ تۇراتىن. شاشى بۇيرالانعان, جانارى وتتى, وتە قاعىلەز, سىمباتتى جىگىتتىڭ اۋىلدان كەلگەنىنە سەنبەيتىنبىز.
ءاسانالى تەاتر مەن كينو سالاسىندا تەل ونەر كورسەتىپ, قايتالانباس وبرازدارىمەن قالىڭ كورەرمەننىڭ قۇرمەتىنە بولەندى. ەلدىڭ سۇيىكتى ۇلى بولدى. قانشاما قيىن تاعدىردى باسىنان كەشسە دە, سىنىپ كەتپەدى. كونسەرۆاتوريانىڭ تەاتر فاكۋلتەتىندە بىرگە وقىعان قىز-جىگىتتەردىڭ ىشىندە ومىردە ءاسانالى ءاشىموۆ, ءسابيت ورازباەۆ ۇشەۋمىز عانا قالىپ ەدىك. ەندى ءاسانالى جوق. قارالى حابار قابىرعامىزدى قايىستىرىپ كەتتى.
قالاي عانا ارىستاي تۇلعامىزدان كوز جازىپ قالدىق؟ «باسىم اۋىردى» دەپ ءبىر رەت تە شاعىمدانباعان ەدى عوي. ءۇش-ءتورت كۇن بۇرىن تەلەفونمەن سويلەسكەندە ءبارى جاقسى دەمەپ پە ەدى؟ نە ايتارىمدى دا بىلمەيمىن!
الاش جۇرتى سىرتى قاتال كورىنگەنىمەن, ءىشى ماقپالداي جۇمساق جۇرەكتى, ونەر ءۇشىن تۋعان ۇلى ۇلىنان ايىرىلدى. مەن الدىمەن حالقىما كوڭىل ايتقىم كەلەدى.
باقۇل بول, ءاسانالى باۋىرىم!
نۇكەتاي مىشباەۆا,
قازاقستاننىڭ حالىق ءارتىسى
