فوتو: Polisia.kz
جەدەل-ىزدەستىرۋ ءىس-شارالارى بارىسىندا اقپان ايىندا ورال قالاسىندا قاراسورا تۇقىمداس وسىمدىكتەردى زاڭسىز ءوسىردى دەگەن كۇدىكپەن ەكى ازامات ۇستالعان. تەكسەرۋ كەزىندە ولاردىڭ ءبىرىنىڭ جەكە ۇيىنەن جەلدەتۋ جۇيەسى مەن جارىقديودتى شامدارمەن جابدىقتالعان, قاراسورا وسىرۋگە بەيىمدەلگەن جاسىرىن جەرتولە تابىلدى.
استانادا جالدامالى پاتەرلەردە ەسىرتكى ساقتاعان كۇدىكتى ۇستالدى
Polisia.kz-ءتىڭ مالىمدەۋىنشە, وقيعا ورنىنان 7 ءتۇپ وسىمدىك, بۋىپ-تۇيىلگەن وسىمدىك تەكتەس زاتتار, ارنايى قۇرال-جابدىقتار جانە 14 ميلليون تەڭگەدەن استام اقشا تاركىلەندى.
ال ەكىنشى كۇدىكتىنىڭ پاتەرىنەن ارنايى جابدىقتالعان ەكى جىلىجاي-شاتىر انىقتالىپ, ودان 22 ءتۇپ قاراسورا, ءتۇرلى پاكەتتەر مەن ىدىستارعا سالىنعان وسىمدىك تەكتەس زاتتار جانە قاجەتتى قۇرالدار الىنعان.
سونىمەن قاتار, ولاردىڭ اتا-اناسىنىڭ پاتەرىنىڭ بالكونىنىڭ استىنان وسىمدىك تەكتەس زات سالىنعان 560 سىرىڭكە قورابى بار قاپ تابىلدى. الدىن الا ەسەپ بويىنشا, ونىڭ قۇنى شامامەن 13 ميلليون تەڭگەنى قۇرايدى.
جالپى العاندا, تاركىلەنگەن ەسىرتكى زاتتارىنىڭ سالماعى شامامەن 18-20 كەلىگە جەتكەن.
الماتى اۋەجايىندا 11 كەلى ەسىرتكىمەن شەتەلدىك ۇستالدى: ول ءومىر بويىنا سوتتالۋى مۇمكىن
اتالعان دەرەك بويىنشا قىلمىستىق ءىس قوزعالدى. كۇدىكتىلەردىڭ ءبىرى ۋاقىتشا ۇستاۋ يزولياتورىنا قامالدى, ال ەكىنشىسىنە قاتىستى تەرگەۋ امالدارى جۇرگىزىلىپ جاتىر.
«وزگە مالىمەتتەر قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس جاريا ەتىلمەيدى», دەلىنگەن حابارلامادا.
