فەستيۆال ۇيىمداستىرۋشىسى الماس ءجاليدىڭ ايتۋىنشا, بايقاۋ باعدارلاماسى ەكى سەكتسيادان تۇرادى: «The future worth living in» ء(«ومىر سۇرۋگە تۇرارلىق بولاشاق») تاقىرىبىنا ارنالعان نەگىزگى سەكتسيا جانە ۇزدىك رەجيسسۋرا, ۆيزۋالدى ءتىل, وقيعا, كونتسەپتسيا جانە كەيىپكەر نوميناتسيالارى بويىنشا اشىق سەكتسيا.
بايقاۋدىڭ نەگىزگى تالابى – ءفيلمنىڭ full AI تەحنولوگيالارى ارقىلى جاسالۋى. ياعني, جاساندى ينتەللەكت قوسىمشا قۇرال رەتىندە ەمەس, تۋىندىنى جاساۋدىڭ نەگىزگى ينسترۋمەنتى رەتىندە قولدانىلۋى ءتيىس. فەستيۆال 2026 جىلعى 28 قىركۇيەك پەن 1 قازان ارالىعىندا استانادا Astana AI Week – جاساندى ينتەللەكت اپتالىعى اياسىندا وتەدى. بايقاۋعا جاس ەرەكشەلىگىنە نەمەسە كاسىبي تاجىريبەسىنە قاراماستان كەز كەلگەن ادام تەگىن قاتىسا الادى. قاتىسۋشىلار ۇزاقتىعى 10 مينۋتقا دەيىنگى قىسقامەتراجدى AI-فيلم ازىرلەپ, ونى جوبانىڭ سيپاتتاماسىمەن بىرگە aaiff.ai فەستيۆال پلاتفورماسىنا جۇكتەۋى قاجەت.
ء«وتىنىم فەستيۆالدىڭ رەسمي سايتى ارقىلى قابىلدانادى. جۇمىستى ەكى جولمەن جىبەرۋگە بولادى: YouTube پلاتفورماسىنا جۇكتەپ, سىلتەمەسىن كورسەتۋ نەمەسە Google Drive سەرۆيسىنە جۇكتەپ, سىلتەمەسىن جولداۋ. بارلىق وتىنىمدەر ۇيىمداستىرۋشىلاردىڭ بىرىڭعاي بازاسىندا تىركەلەدى جانە جۇرگىزىلەدى. سوندىقتان اۆتورلارعا ءوتىنىم مارتەبەسىن باقىلاۋدا ۇستاۋدىڭ قاجەتى جوق», دەدى جوبا اۆتورلارىنىڭ ءبىرى ايزاتۋللا حۋسسەين.
ونىڭ ايتۋىنشا, YouTube پلاتفورماسىنا جۇكتەلگەن ۆيدەولاردىڭ سيپاتتاماسىندا مىندەتتى تۇردە «Special for Astana AI Film Festival» تىركەسى, اۆتوردىڭ اتى-ءجونى جانە #SpecialForAAIFF حەشتەگى كورسەتىلۋى ءتيىس.
جي ارقىلى جاسالعان وتاندىق فيلم كانن كينوفەستيۆالىندە كورسەتىلدى
ىرىكتەۋ قورىتىندىسى بويىنشا AAIFF كومانداسى مەن حالىقارالىق ساراپشىلار نەگىزگى سەكتسيادان 10 جانە اشىق سەكتسيادان 15 جۇمىستى تاڭداپ الادى. فيناليستەردى كينويندۋستريا, AI-قوعامداستىق جانە creative tech سالاسىنىڭ وكىلدەرىنەن قۇرالعان حالىقارالىق قازىلار القاسى باعالايدى.
ءوتىنىم قابىلداۋ 2026 جىلعى 15 تامىزعا دەيىن جالعاسادى. بايقاۋ فيناليستەرى قىركۇيەك ايىندا جاريالانىپ, كورسەتىلىمدەر مەن جەڭىمپازداردى ماراپاتتاۋ ءراسىمى Astana AI Week اياسىندا استانا قالاسىندا وتەدى. فەستيۆالدىڭ جالپى جۇلدە قورى 1 ملن دوللار قۇرايدى.
ەسكە سالا كەتەيىك, بۇعان دەيىن ەلىمىزدە «قوزى كورپەش – بايان سۇلۋ» ەپوسى جەلىسىمەن جي-فيلم تۇسىرىلگەن بولاتىن.
