فوتو: اشىق دەرەككوز (ارحيۆ)
كانەلونىڭ ايتۋىنشا, ولار وتكەن جەكپە-جەكتەردى ەسكە الىپ, ءتۇرلى وقيعالاردى ءسوز ەتكەن.
ء«بىز ەستەلىكتەرىمىزدى ايتىپ, جاقسى اڭگىمەلەستىك. ارامىزدا ءۇش كەرەمەت ايقاس ءوتتى. ونىمەن ءبىر رينگتە بولعانىما قۋانىشتىمىن. قازىر ەركىن سويلەسە الامىز», دەدى مەكسيكالىق بوكسشى.
سونداي-اق ساۋل الۆارەس گەننادي گولوۆكيننىڭ كاسىپقوي بوكسقا قايتا ورالۋى مۇمكىن ەكەنىن ايتتى.
«ول نە ىستەيتىنىن ءوزى شەشەدى. مەنىڭشە, بۇعان ابدەن لايىق. ەگەر تاعى ءبىر جەكپە-جەك وتكىزەمىن دەسە, بۇل جاقسى شەشىم بولادى», دەدى كانەلو.
ەسكە سالايىق, گەننادي گولوۆكين كاسىپقوي بوكستاعى سوڭعى كەزدەسۋىن كانەلوعا قارسى وتكىزگەن ەدى. 2022 جىلدىڭ قىركۇيەگىندە وتكەن ءۇشىنشى ايقاستا مەكسيكالىق تورەشىلەر شەشىمىمەن جەڭىسكە جەتتى. ءۇش كەزدەسۋدىڭ قورىتىندىسىندا ءبىر تەڭ ناتيجە تىركەلسە, ەكى جەكپە-جەكتە كانەلو باسىم ءتۇستى.
گولوۆكين كاسىپقوي بوكسپەن قوشتاسقان جوق
گەننادي گولوۆكين – WBC, IBO, IBF جانە WBO تۇجىرىمدارى بويىنشا ورتا سالماقتا الەم چەمپيونى اتانعان تاريحي تۇلعا. ول كاسىپقوي رينگتە 45 جەكپە-جەك وتكىزىپ, سونىڭ 42-سىندە جەڭىسكە جەتتى. تەك ەكى رەت قانا كانەلوعا تورەشىلەر شەشىمىمەن ەسە جىبەردى.
2024 جىلى قازاقستان ۇلتتىق وليمپيادا كوميتەتى پرەزيدەنتى قىزمەتىنە تاعايىندالعان گولوۆكين 2025 جىلى World Boxing ۇيىمىنىڭ باسشىسى بولدى.
قازاقستان بوكسشىسى مانسابىن اياقتاعانىن رەسمي تۇردە ءالى مالىمدەگەن جوق.
بۇعان دەيىن دجەكي چان, گەننادي گولوۆكين جانە ميحايل شايدوروۆ ميلاندا كەزدەسكەنى تۋرالى حابارلانعان ەدى.
