فوتو: Bild
افريكا وداعىنىڭ دەنساۋلىق ساقتاۋ ورگاندارى ۆيرۋستىڭ تارالۋ قاۋپى بار 10 ەلدى اتاپ ءوتتى. ولاردىڭ قاتارىندا وڭتۇستىك سۋدان, رۋاندا, كەنيا, تانزانيا, ەفيوپيا, بۋرۋندي, انگولا, ورتالىق افريكا رەسپۋبليكاسى جانە زامبيا بار.
قازىرگى ىندەت 2007 جىلى العاش انىقتالعان بۋنديبۋگيو ۆيرۋسىنىڭ سيرەك تۇرىمەن بايلانىستىرىلادى. وعان قارسى ازىرگە ماقۇلدانعان ۆاكتسينا دا, ارنايى ەم دە جوق, ال ءولىم-ءجىتىم دەڭگەيى – شامامەن 30-50%. كوروناۆيرۋستان ايىرماشىلىعى, ەبولا اۋا ارقىلى وڭاي تارالمايدى: جۇقتىرۋ كوبىنە ناۋقاستىڭ قانى نەمەسە باسقا بيولوگيالىق سۇيىقتىقتارىمەن تىكەلەي بايلانىس كەزىندە بولادى.
ماماندار گەرمانيا ءۇشىن قاۋىپتى وتە تومەن دەپ باعالايدى, دەگەنمەن سىرتتان اكەلىنگەن جەكەلەگەن جاعدايلار بولۋى مۇمكىن. ساياحاتشىلارعا ىندەت تاراعان ايماقتارعا, اسىرەسە كونگو دەموكراتيالىق رەسپۋبليكاسىنىڭ سولتۇستىك-شىعىسىنداعى يتۋري پروۆينتسياسىنا بارماۋعا كەڭەس بەرىلەدى. بىراق بۇل بۇكىل افريكاعا ساپار شەگۋگە تىيىم سالىنعانىن بىلدىرمەيدى. ماسەلەن, وڭتۇستىك افريكا رەسپۋبليكاسى مەن ناميبياعا قاتىستى ەبولاعا بايلانىستى جالپى ەسكەرتۋ جوق.
ايتا كەتەيىك, كونگو ەبولا ۆيرۋسىنىڭ كەسىرىنەن الەم چەمپيوناتىنا قاتىسا الماۋى مۇمكىن.
