فوتو: قتج
ونىڭ ايتۋىنشا, قازاقستانداعى تەمىرجول تاسىمالى تاريفتەرى تمد كەڭىستىگىندەگى ەڭ تومەن تاريفتەردىڭ ءبىرى بولىپ وتىر.
«تمد ەلدەرى اراسىندا بىزدە تاريفتەر ەڭ تومەن دەڭگەيدە. قازىرگى تاڭدا رەسەيمەن سالىستىرعاندا ايىرماشىلىق شامامەن 2,5 ەسە, ال وزبەكستانمەن سالىستىرعاندا شامامەن 4 ەسە تومەن», دەدى ول.
قتج وكىلدەرىنىڭ ايتۋىنشا, ءتاريفتى كوتەرۋگە كومپانيانىڭ قارجىلىق قيىندىقتارى سەبەپ بولىپ وتىر. بۇگىندە «قازاقستان تەمىر جولى» ۇلتتىق كومپانياسىنىڭ جالپى قارىزى 4 تريلليون تەڭگەدەن اسقان. ال ينفراقۇرىلىمدىق جوبالاردى جۇزەگە اسىرۋ قوسىمشا قارجىنى تالاپ ەتەدى.
«2025 جىلى رەتتەلەتىن تاسىمالدار بويىنشا شىعىن كولەمى 320 ميلليارد تەڭگەنى قۇرادى. نەگىزىندە بۇل 320 ميلليارد تەڭگە ترانزيت پەن تابىسى جوعارى جۇكتەر ەسەبىنەن سۋبسيديالانىپ وتىر», دەدى كومپانيا وكىلى.
قازىرگى ۋاقىتتا بۇل ماسەلە تابيعي مونوپوليالاردى رەتتەۋ كوميتەتىنىڭ قاراۋىندا جاتىر. مامانداردىڭ پىكىرىنشە, ەگەر ۇسىنىس ماقۇلدانسا, جۇك تاسىمالى باعاسى قىمباتتاپ, نارىقتاعى تاۋار قۇنىنا اسەر ەتۋى مۇمكىن.
