فوتو: ۇكىمەت
ء«وڭىر اكىمدىكتەرى ەكى اپتا مەرزىمدە بارلىق كونكۋرستىق ءراسىمدى وتكىزىپ, جوندەۋ جۇمىستارىنا ناقتى كىرىسۋى قاجەت. ەشقانداي باسى ارتىق بيۋروكراتيا بولماۋى كەرەك. جىلۋمەن قامتاماسىز ەتۋ نىساندارىن جوندەۋ جۇمىستارىن تامىز ايىنىڭ سوڭىنان كەشىكتىرمەي اياقتاۋ قاجەت. ونەركاسىپ جانە قۇرىلىس مينيسترلىگى, ءوڭىر اكىمدىكتەرى 1 قىركۇيەككە دەيىن ءبىلىم بەرۋ جانە دەنساۋلىق ساقتاۋ نىساندارىنىڭ تولىعىمەن دايىن بولۋىن قامتاماسىز ەتسىن», دەدى ولجاس بەكتەنوۆ.
ەنەرگەتيكالىق جانە كوممۋنالدىق ينفراقۇرىلىمدى جاڭعىرتۋعا قانشا قارجى جۇمسالادى؟سونداي-اق ۇكىمەت باسشىسى جىلۋ بەرۋ ماۋسىمىنا دايىندىق ايماقتاردىڭ كليماتتىق ەرەكشەلىكتەرىن ەسكەرە وتىرىپ جانە بەلگىلەنگەن مەرزىمدە جۇرگىزىلۋى كەرەك ەكەنىن جەتكىزدى.
«سولتۇستىك, ورتالىق جانە شىعىس وڭىرلەردە بارلىق ينجەنەرلىك ينفراقۇرىلىم مەن تۇرعىن ءۇي-كوممۋنالدىق شارۋاشىلىق نىساندارى 15 قىركۇيەككە دەيىن, ال قالعان وڭىرلەردە 15 قازانعا دەيىن تولىق ءازىر بولۋى ءتيىس. اكىمدەرگە جىلۋ نىساندارىنا تۇراقتى نەگىزدە بارىپ, جاعدايدى جەكە باقىلاۋعا الۋدى تاپسىرامىن», دەدى پرەمەر-مينيستر.
«سامۇرىق-ەنەرگو» 111 جابدىق پەن 19,5 كم جىلۋ ماگيسترالىنە جوندەۋ جۇرگىزەدىولجاس بەكتەنوۆ ءوز سوزىندە ەنەرگەتيكا نىساندارىندا جوندەۋ جۇمىستارىنىڭ كولەمى مەن ولاردى قارجىلاندىرۋدى قىسقارتۋعا تىيىم سالىناتىنىن ايتتى.
«ەنەرگەتيكا مينيسترلىگىمەن بىرلەسىپ, «KEGOC» كومپانياسى 25 مامىرعا دەيىن ۇلتتىق ماڭىزى بار ستانسالارعا ارنالعان جابدىقتاردىڭ جۇمىس رەجيمدەرىن بەكىتۋى كەرەك. جۇمىستاردىڭ كولەمى مەن ولاردى قارجىلاندىرۋدى قىسقارتۋعا تىيىم سالامىن. ءاربىر فاكت بويىنشا مەنشىك يەلەرىنە, سول سياقتى باسقارۋشى كومپانيالارعا قاتىستى شارالار قابىلدانادى», دەدى ولجاس بەكتەنوۆ.
قازاقستاندا 5 جىلۋ ەلەكتر ورتالىعى «قىزىل» ايماقتان شىقتى
