فوتو: تجم
تجم ماماندارى 120 شارشى مەتر الاڭعا تارالعان ءورتتى تولىق سوندىرگەن. سونداي-اق تسەح قۇرىلىمدارىنىڭ 220 شارشى مەتر اۋماعى وپىرىلىپ تۇسكەنى بەلگىلى بولدى.
مينيسترلىك وقيعا سالدارىنان 7 ادام زارداپ شەككەنىن, ونىڭ ىشىندە 2 ادام قازا تاۋىپ, 5 ادام اۋرۋحاناعا جاتقىزىلعانىن مالىمدەدى.
«وقيعا ورنىندا جەدەل شتاب قۇرىلدى. اپات سالدارىن جويۋعا شامامەن 80 ادام جەكە قۇرام, 18 تەحنيكا بىرلىگى, كوماندالىق-شتابتىق ماشينا, تجم ۇشقىشسىز ۇشۋ اپپاراتى, كينولوگيالىق ەسەپتوپتار جانە اپاتتار مەديتسيناسى ورتالىعىنىڭ بريگاداسىنىڭ دارىگەرلەرى جۇمىلدىرىلدى», دەلىنگەن تجم تاراتقان حابارلامادا.
قازىر زاۋىتتا ۇيىندىلەردى ارشۋ جۇمىستارى جۇرگىزىلىپ جاتىر. توتەنشە جاعدايعا بايلانىستى تجد-دا جەدەل جەلى تەلەفونى ىسكە قوسىلعان: 8 (7232) 55-38-19.
ايتا كەتەيىك, ۇكىمەت وتىرىسىندا پرەمەر-مينيستر ولجاس بەكتەنوۆ جاعدايدى جەكە باقىلاۋىنا العانىن ايتتى.
