فوتو: «KEGOC» اق
ونىڭ ايتۋىنشا, ەلەكتر ستانسالارىنداعى جوندەۋ جۇمىستارىن قارجىلاندىرۋ بيىل 9%-عا كوبەيگەن. ودان بولەك ۇلتتىق جوبا اياسىندا دا قارجى قاراستىرىلعان. كەستەگە سايكەس بيىل 9 ەنەرگوبلوكتى, 55 قازاندىقتى جانە 51 تۋربينانى كۇردەلى جوندەۋ جوسپارلانعان. قازىر جۇمىستار 29 نىساندا ءجۇرىپ جاتىر. ەلەكتر جەلىلەرىندە 1,2 مىڭ شاقىرىم ەلەكتر بەرۋ جەلىسى, 54 قوسالقى ستانسا جوندەلدى. جىلۋ جەلىلەرى بويىنشا رەكونسرۋكتسيالاۋ جانە جوندەۋ جوسپارى 377 شاقىرىمدى قۇرايدى. جۇمىستار گيدراۆليكالىق جانە تەمپەراتۋرالىق سىناقتار اياقتالعاننان كەيىن باستالادى. جاڭارتۋ جۇمىستارىنىڭ قارقىنىن قولداۋ ءۇشىن ۇكىمەت رەزەرۆىنەن 7 وڭىرگە 25,4 ملرد تەڭگە بولىنەدى. قازىر شىعىس قازاقستان وبلىسى, جەتىسۋ, اباي وبلىستارىنا قاراجات بەرىلدى.
قازاقستاندا 5 جىلۋ ەلەكتر ورتالىعى «قىزىل» ايماقتان شىقتى
«بيىل ۇلتتىق جوبا بويىنشا جالپى سوماسى 626,8 ملرد تەڭگەگە 130 شاقىرىم جىلۋ جەلىسىن جانە 10 490 شاقىرىم ەلەكتر جەلىسىن جاڭعىرتۋ كوزدەلگەن. نەگىزگى مىندەت − جەلىلەردەگى شىعىندار مەن توزۋدى ازايتۋ, سونداي-اق وتاندىق تاۋار وندىرۋشىلەردى قولداۋ», دەدى سۇڭعات ەسىمحانوۆ.
ءىرى ەنەرگەتيكالىق نىسانداردان تارايتىن زياندى شىعارىندىلار 35 پايىزعا ازايادى
ۆيتسە-مينيستر ريددەر قالاسىنداعى جەو-دا № 5 جانە 6 قازاندىقتارعا جانە جىلۋ جەلىلەرىنىڭ 12 ۋچاسكەسىن, تالدىقورعاندا جاڭا قازاندىقتىڭ قۇرىلىسى مەن سەمەي قالاسىندا جەو-1 مەن قازاندىقتارىن جوندەۋگە ەرەكشە نازار اۋدارىلىپ وتىرعانىن اتاپ ءوتتى. جالپى ەلىمىزدەگى ەنەرگەتيكالىق جانە كوممۋنالدىق ينفراقۇرىلىمىن جاڭعىرتۋعا 1 ترلن تەڭگەدەن استام قاراجات جۇمسالماق.
