استانا قالاسى اكىمدىگى №3 كوپبەيىندى قالالىق اۋرۋحاناسىنىڭ باسشىسى, مەديتسينا عىلىمدارىنىڭ دوكتورى, پروفەسسور جۇلدىز دانباەۆادان ءمامس-ءتىڭ مەديتسينالىق ۇيىمداردى قارجىلاندىرۋ قاعيداتى تۋرالى سۇرادىق. سەبەبى وسى كۇنگە دەيىن كورسەتىپ وتىرعان مەديتسينالىق قىزمەتتىڭ اقىسىن مەرزىمىنەن كەش الامىز دەيتىن مەديتسينالىق ۇيىمداردىڭ بارىن بىلەمىز.
ء«بىز ءمامس-كە از اقشا تولەپ, مەديتسينالىق كومەكتىڭ ساپاسى شەتەلدەگىدەي بولعانىن قالايمىز. بىزدە راسىمەن قىزمەت كورسەتۋ ساپاسىندا كەمشىلىكتەر بار شىعار, بىراق, نەگىزگى ەمشارانى, مەديتسينالىق كومەكتى حالىق الىپ وتىر. ونىڭ ىشىنە وپەراتسيالاردى قوسىڭىز. سوسىن قازىر كت, مرت اپپاراتتارى قولجەتىمدى. بۇرىن ءبىر قالادا ءبىر عانا مرت, كت بولاتىن. وعان ەكىنىڭ-ءبىرى بارا بەرمەيتىن. كت – ساۋلەلىك دياگنوستيكا بولعان سوڭ, وعان ءجيى تۇسە بەرۋگە بولمايدى. مۇنى حالىق تۇسىنە بەرمەيدى. وزىنە-ءوزى دياگنوز قويىپ الاتىن پاتسيەنتتەر جەرگىلىكتى ەمحاناعا بارىپ, دارىگەردەن بىردەن كت تالاپ ەتەدى.
مىسالى, كەۋدە قۋىسىنداعى اۋرۋدى انىقتاۋ ءۇشىن دارىگەر الدىمەن رەنتگەن جاسايدى, ءجىتى قارايدى. ناۋقاستىڭ احۋالىن سول تەكسەرۋدەن-اق كورىپ-بىلەدى. ەگەر قانداي دا ءبىر اسقىنعان اۋرۋلارعا كۇدىك بولسا, دارىگەر ءوزى ساۋلەلىك دياگنوستيكا تاعايىندايدى. جۇمىستىڭ ءتارتىبى سولاي.
ءيا, مەديتسينالىق قىزمەتتىڭ اقىسىن مەرزىمىنەن كەش الىپ جۇرگەنىمىز راس. تولەم الدىن الا جاسالمايدى. بۇل ءبىزدىڭ عانا ماسەلەمىز ەمەس, بۇكىل رەسپۋبليكاداعى جاعداي وسىنداي», دەدى ساۋالىمىزعا جاۋاپ بەرگەن ج.دانباەۆا.
