قازاقستان رەسپۋبليكاسىنىڭ ۇلتتىق بانكى باسقارماسىنىڭ قاۋلىسى №32 

2015 جىلعى 16 ناۋرىز, الماتى قالاسى قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىندا ۆاليۋتالىق وپەراتسيالاردى جۇزەگە اسىرۋ قاعيدالارىن بەكىتۋ تۋرالى» 2012 جىلعى 28 ساۋىردەگى №154 قاۋلىسىنا وزگەرىستەر مەن تولىقتىرۋلار ەنگىزۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ جانە شەتەل ۆاليۋتاسىن ساتىپ الۋ جانە ساتۋ ءتارتىبىن ناقتىلاۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىندا ۆاليۋتالىق وپەراتسيالاردى جۇزەگە اسىرۋ قاعيدالارىن بەكىتۋ تۋرالى» 2012 جىلعى 28 ساۋىردەگى № 154 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7701 تىركەلگەن, 2012 جىلعى 25 تامىزدا «ەگەمەن قازاقستان» گازەتىندە № 551-556 (27629) جاريالانعان) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىندا ۆاليۋتالىق وپەراتسيالاردى جۇزەگە اسىرۋ قاعيدالارىندا: 2-تارماقتىڭ 1) تارماقشاسى الىپ تاستالسىن; 3-تاراۋ مىناداي رەداكتسيادا جازىلسىن: «3. شەتەل ۆاليۋتاسىن ساتىپ الۋ جانە ساتۋ ءتارتىبi 16. زاڭدى تۇلعالار (ۋاكىلەتتى بانكتەر مەن ۋاكىلەتتى ۇيىمداردى قوسپاعاندا) ىشكى ۆاليۋتا نارىعىندا شەتەل ۆاليۋتاسىن ۋاكىلەتتى بانكتەر ارقىلى وسى قاعيدالاردىڭ 17 نەمەسە 19-تارماقتارىنا سايكەس رەسىمدەلەتىن شەتەل ۆاليۋتاسىن ساتىپ الۋعا نەمەسە ساتۋعا ارنالعان ءوتىنىمنىڭ نەگىزىندە ساتىپ الادى جانە ساتادى. 17. ۋاكىلەتتى بانك نەمەسە ۋاكىلەتتى ۇيىم بولىپ تابىلمايتىن رەزيدەنت زاڭدى تۇلعا ۋاكىلەتتى بانك ارقىلى شەتەل ۆاليۋتاسىن ساتىپ الۋعا ارنالعان ءوتىنىمدى رەسىمدەگەن كەزدە شەتەل ۆاليۋتاسىن ساتىپ الۋدىڭ ماقساتى مەن سوماسىن كورسەتەدى. شەتەل ۆاليۋتاسىن ءبىر ءجۇز مىڭ اقش دوللارىنان اساتىن بالامالى سوماعا ۇلتتىق ۆاليۋتاعا ساتىپ الاتىن جاعدايدا, ۋاكىلەتتى بانك نەمەسە ۋاكىلەتتى ۇيىم بولىپ تابىلمايتىن رەزيدەنت زاڭدى تۇلعا وتىنىمگە قوسا ورىنداۋ ماقساتىندا شەتەل ۆاليۋتاسى ساتىپ الىناتىن ۆاليۋتالىق شارتتىڭ كوشىرمەسىن جانە (نەمەسە) شەتەل ۆاليۋتاسىن ساتىپ الۋ ماقساتىن جانە سوماسىن راستايتىن وزگە دە قۇجاتتاردى بەرەدى. 18. ۋاكىلەتتى بانك وسى قاعيدالاردىڭ 17-تارماعىنا سايكەس رەسىمدەلگەن شەتەل ۆاليۋتاسىن ءبىر ءجۇز مىڭ اقش دوللارىنان اساتىن بالامالى سوماعا ۇلتتىق ۆاليۋتاعا ساتىپ الۋعا ارنالعان ءوتىنىمدى ورىنداعان كەزدە وتىنىمدە كورسەتىلگەن شەتەل ۆاليۋتاسىن ساتىپ الۋ ماقساتىن جانە سوماسىن ۆاليۋتالىق شارتپەن جانە (نەمەسە) شەتەل ۆاليۋتاسىن ساتىپ الۋ ماقساتى مەن سوماسىن راستايتىن وزگە دە قۇجاتتارمەن سالىستىرىپ تەكسەرۋدى جۇزەگە اسىرادى. 19. شەتەل ۆاليۋتاسىن ۋاكىلەتتى بانك ارقىلى ۇلتتىق ۆاليۋتاعا ساتىپ الۋعا نەمەسە ساتۋعا ارنالعان ءوتىنىمدى رەسىمدەگەن كەزدە رەزيدەنت ەمەس زاڭدى تۇلعا شەتەل ۆاليۋتاسىن ساتىپ الۋدىڭ نەمەسە ساتۋدىڭ ماقساتىن كورسەتەدى.»; 40-تارماقتىڭ ەكىنشى بولىگى مىناداي رەداكتسيادا جازىلسىن: «وسى قاعيدالارعا 5-قوسىمشادا بەلگىلەنگەن نىسان بويىنشا تىركەۋ كۋالىگى ءوتىنىش بەرۋشى تولىق قۇجاتتار توپتاماسىن ۇسىنعان كۇننەن باستاپ ون جۇمىس كۇنى ىشىندە بەرىلەدى.»; 41-تارماقتىڭ 2) تارماقشاسى مىناداي رەداكتسيادا جازىلسىن: «2) ۆاليۋتالىق شارتتىڭ تىگىلگەن جانە قول قويىلعان (جەكە جانە زاڭدى تۇلعالار ءۇشىن) جانە مورمەن بەكىتىلگەن (زاڭدى تۇلعالار ءۇشىن, ول بولعان جاعدايدا) كوشىرمەسى. ەگەر ۆاليۋتالىق شارت شەت تىلىندە جاسالسا, وندا ونىڭ قازاق نەمەسە ورىس تىلىندەگى اۋدارماسى ۇسىنىلادى;»; 2-قوسىمشادا: «ءمور ورنى» دەگەن سوزدەردەن كەيىن «(ول بولعان جاعدايدا)» دەگەن سوزدەرمەن تولىقتىرىلسىن; 2-قوسىمشانى تولتىرۋ جونىندەگى نۇسقاۋدىڭ ءتورتىنشى بولىگى مىناداي رەداكتسيادا جازىلسىن: «ەسەپتىڭ 3-18-باعاندارى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №1011 تىركەلگەن «ەكونوميكا سەكتورلارىنىڭ جانە تولەمدەر بەلگىلەۋ كودتارىن قولدانۋ جانە تولەمدەر بويىنشا ولارعا سايكەس مالىمەتتەر ۇسىنۋ قاعيدالارىن بەكىتۋ تۋرالى» 1999 جىلعى 15 قاراشاداعى № 388 قازاقستان رەسپۋبليكاسىنىڭ ۇلتتىق بانك باسقارماسىنىڭ قاۋلىسىمەن بەكىتىلگەن ەكونوميكا سەكتورلارىنىڭ جانە تولەمدەر بەلگىلەۋ كودتارىن قولدانۋ جانە تولەمدەر بويىنشا ولارعا سايكەس مالىمەتتەر ۇسىنۋ قاعيدالارىندا (بۇدان ءارى – تولەم ماقساتىنىڭ بىرىڭعاي جىكتەۋشىسىن قولدانۋ قاعيدالارى) كوزدەلگەن فورماتتاردى جانە كودتاردى پايدالانا وتىرىپ, اقشا اۋدارۋعا (الۋعا) ارنالعان تولەم قۇجاتىنىڭ نەگىزىندە تولتىرىلادى. 18-باعاندا تولەم قۇجاتىندا اقشا جىبەرۋشى (الۋشى) كورسەتكەن تولەم ماقساتىنىڭ كودى (بۇدان ءارى - تمك) كورسەتىلەدى.»; 3-قوسىمشادا: «ءمور ورنى» دەگەن سوزدەردەن كەيىن «(ول بولعان جاعدايدا)» دەگەن سوزدەرمەن تولىقتىرىلسىن; 3-قوسىمشانى تولتىرۋ بويىنشا نۇسقاۋ مىناداي رەداكتسيادا جازىلسىن: «3-قوسىمشانى تولتىرۋ بويىنشا نۇسقاۋ ەسەپتى ۋاكىلەتتى بانك وسى قاعيدالاردىڭ 13-تارماعىندا كورسەتىلگەن جاعدايدا جەكە تۇلعانىڭ تولەم كارتوچكالارىن پايدالانباي بانك شوتى بويىنشا نە بانك شوتىن اشپاي جۇرگىزىلگەن تولەمدەر جانە (نەمەسە) اقشا اۋدارىمدارى بويىنشا جەكە جانە ۋاكىلەتتى بانكتىڭ تولەم كارتوچكالارىن پايدالانا وتىرىپ جۇرگىزىلگەن تولەمدەر جانە (نەمەسە) اقشا اۋدارىمدارى نەمەسە قولما-قول اقشا الۋ بويىنشا جەكە ۇسىنادى. 3, 7, 10, 13, 14 جانە 15-باعاندار اقشا اۋدارۋعا (الۋعا) ارنالعان تولەم قۇجاتىنىڭ نەگىزىندە تولەم ماقساتىنىڭ بىرىڭعاي جىكتەۋشىسىن قولدانۋ قاعيدالارىندا كوزدەلگەن فورماتتاردا جانە كودتارمەن تولتىرىلادى. تولەم جانە (نەمەسە) اقشا اۋدارىمى/تولەم كارتوچكالارىن پايدالانا وتىرىپ قولما-قول اقشا الۋ ءۇشىن 10 جانە 11-باعانداردا تولەم (اقشا اۋدارىمى)/اقشا الۋ ۆاليۋتاسى مەن سوماسى بويىنشا دەرەكتەر كورسەتىلەدى, ال 14 جانە 15-باعاندار تولتىرىلمايدى. 5-باعاندا اقشا جىبەرۋشى (الۋشى) جەكە تۇلعانىڭ جسن كورسەتىلەدى, رەزيدەنت ەمەس جەكە تۇلعادا جسن بولماعان جاعدايدا, ءتيىستى باعان تولتىرىلمايدى. 6-باعاندا, ەگەر تولەمدى نەمەسە اۋدارىمدى ەسەپ بەرۋشى بانك جىبەرگەن بولسا «جىبەرىلگەن» دەگەن جازبا, ەگەر تولەمدى نەمەسە اۋدارىمدى ەسەپ بەرۋشى بانك السا «الىنعان» دەگەن جازبا, تولەم كارتوچكالارىن پايدالانا وتىرىپ قولما-قول اقشا الىنعان جاعدايدا «اقشا الۋ» دەگەن جازبا قويىلادى. 7-باعاندا اقشا اۋدارۋعا (الۋعا) ارنالعان تولەم قۇجاتىندا كورسەتىلگەن تولەم نەمەسە اقشا اۋدارىمى ماقساتىنىڭ كودى قويىلادى. تولەم كارتوچكالارىن پايدالانا وتىرىپ بانك شوتى بويىنشا جۇرگىزىلەتىن تولەمدەر جانە (نەمەسە) اقشا اۋدارىمدارى ءۇشىن باعان تولتىرىلمايدى. 9-باعاندا نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9247 تىركەلگەن «قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىن بەكىتۋ تۋرالى» 2014 جىلعى 3 اقپانداعى № 14 قازاقستان رەسپۋبليكاسىنىڭ ۇلتتىق بانك باسقارماسىنىڭ قاۋلىسىمەن بەكىتىلگەن قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىندا كوزدەلگەن ۋاكىلەتتى بانكتىڭ كودى نەمەسە ونىڭ فيليالىنىڭ كودى قويىلادى. ەگەر جەكە تۇلعانىڭ تولەمىنە جانە (نەمەسە) اقشا اۋدارىمىنا ۋاكىلەتتى بانكتىڭ فيليالىندا قىزمەت كورسەتىلسە, بانك فيليالىنىڭ كودى كورسەتىلەدى. 12-باعاندا تولەم نەمەسە اقشا اۋدارىمى سوماسى مىڭ اقش دوللارىمەن كورسەتىلەدى. ەگەر تولەم نەمەسە اقشا اۋدارىمى اقش دوللارىنان وزگە ۆاليۋتادا جۇزەگە اسىرىلسا, وندا تولەم سوماسىنىڭ اقش دوللارىنداعى بالاماسى وپەراتسيا جاسالعان كۇندەگى ۆاليۋتا ايىرباستاۋدىڭ نارىقتىق باعامىن پايدالانا وتىرىپ ەسەپتەلەدى. 13-باعاندا 5-باعاندا كورسەتىلگەن بەلگىسىنە (جىبەرىلگەن/الىنعان/اقشا الۋ) قاراي بەنەفيتسيار/اقشا جىبەرۋشى/اقشا الۋ ەلىنىڭ كودى قويىلادى. 16-باعاندا اقشا اۋدارۋعا (الۋعا) ارنالعان تولەم قۇجاتىنا سايكەس تولەم نەمەسە اقشا اۋدارىمى بەنەفيتسيارىنىڭ (جىبەرۋشىنىڭ) سايكەستەندىرۋ دەرەكتەرى نە ۋاكىلەتتى بانكتىڭ وسىنداي اۋدارىم جۇزەگە اسىرىلعان تولەم كارتوچكاسىنا سايكەس كەلەتىن تولەم كارتوچكالارى جۇيەسىندە كوزدەلگەن اقشا بەنەفيتسيارى (جىبەرۋشى) تۋرالى اقپارات كورسەتىلەدى. تولەم كارتوچكاسىن پايدالانا وتىرىپ قولما-قول اقشا الۋ ءۇشىن باعان تولتىرىلمايدى.»; 4, 6, 7, 8, 9, 10, 11 جانە 12-قوسىمشالار «ءمور ورنى» دەگەن سوزدەردەن كەيىن «(ول بولعان جاعدايدا)» دەگەن سوزدەرمەن تولىقتىرىلسىن. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. «كەلىسىلدى» قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگى مينيستر ءا.ءو.يسەكەشەۆ 2015 جىلعى 20 ناۋرىز «كەلىسىلدى» قازاقستان رەسپۋبليكاسىنىڭ قارجى مينيسترلىگى مينيستر ب.ت.سۇلتانوۆ 2015 جىلعى 18 ناۋرىز «كەلىسىلدى» قازاقستان رەسپۋبليكاسىنىڭ سىرتقى ىستەر مينيسترلىگى مينيستر ە.ءا.ىدىرىسوۆ 2015 جىلعى 17 ناۋرىز «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا مينيسترلىگى مينيستر ە.ا.دوساەۆ 2015 جىلعى 10 ءساۋىر قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10777 بولىپ ەنگىزىلدى.