قازاقستان رەسپۋبليكاسى قارجى مينيسترلىگىنىڭ بۇيرىعى №477

2014 جىلعى 5 قاراشا,  استانا قالاسى بۋحگالتەرلىك ەسەپ سالاسىندا كاسىپكەرلىك قىزمەتتى جۇزەگە اسىراتىن  بۋحگالتەرلiك ۇيىمدارعا مەن كاسiبي بۋحگالتەرلەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ ەرەجەلەرىنە قويىلاتىن تالاپتاردى بەكىتۋ تۋرالى «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسى زاڭىنىڭ 11-بابى 3-2-تارماعىنا سايكەس بۇيىرامىن: 1. قوسا بەرىلىپ وتىرعان بۋحگالتەرلىك ەسەپ سالاسىندا كاسىپكەرلىك قىزمەتتى جۇزەگە اسىراتىن بۋحگالتەرلiك ۇيىمدارعا مەن كاسiبي بۋحگالتەرلەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ ەرەجەلەرىنە قويىلاتىن تالاپتار بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى (ب.ش. تاجىياقوۆ) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە ونى مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق 2014 جىلعى 15 جەلتوقساننان باستاپ قولدانىسقا ەنگىزىلەدى جانە رەسمي جاريالانۋى ءتيىس. قازاقستان رەسپۋبليكاسىنىڭ قارجى ءمينيسترى ب. سۇلتانوۆ. قازاقستان رەسپۋبليكاسى قارجى ءمينيسترىنىڭ 2014 جىلعى 5 قاراشاداعى № 477 بۇيرىعىمەن بەكىتىلگەن بۋحگالتەرلىك ەسەپ سالاسىندا كاسىپكەرلىك قىزمەتتى جۇزەگە اسىراتىن بۋحگالتەرلiك ۇيىمدار مەن كاسiبي بۋحگالتەرلەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ ەرەجەلەرىنە قويىلاتىن تالاپتار 1. جالپى ەرەجەلەر 1. وسى بۋحگالتەرلىك ەسەپ سالاسىندا كاسىپكەرلىك قىزمەتتى جۇزەگە اسىراتىن بۋحگالتەرلiك ۇيىمدار مەن كاسiبي بۋحگالتەرلەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ ەرەجەلەرىنە قويىلاتىن تالاپتار (بۇدان ءارى – تالاپتار) «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسىنىڭ زاڭىنا (بۇدان ءارى – اق/تقق تۋرالى زاڭ) جانە اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توبىنىڭ (بۇدان ءارى – فاتف) حالىقارالىق ۇلگىلەرىنە سايكەس ازىرلەندى. 2. وسى تالاپتاردا قارجى مونيتورينگىنىڭ سۋبەكتىلەرىنە بۋحگالتەرلىك ەسەپ سالاسىندا كاسىپكەرلىك قىزمەتتى جۇزەگە اسىراتىن بۋحگالتەرلiك ۇيىمدار مەن كاسiبي بۋحگالتەرلەر (بۇدان ءارى – سۋبەكتىلەر) جاتادى. 3. ەگەر تالاپتاردا وزگەشە كوزدەلمەسە, وندا تالاپتاردا قولدانىلعان ۇعىمدار اج/تقق تۋرالى زاڭدا جانە «بۋحگالتەلىك ەسەپ پەن قارجىلىق ەسەپتىلىك تۋرالى» 2007 جىلعى 28 اقپانداعى قازاقستان رەسپۋبليكاسىنىڭ زاڭىندا كورسەتىلگەن ماعىنادا پايدالانىلادى. 4. تالاپتار ماقساتىندا مىناداي نەگىزگى ۇعىمدار پايدالانىلادى: 1) ۋاكىلەتتى ورگان – اج/تقق تۋرالى زاڭعا سايكەس قارجى مونيتورينگiن جۇزەگە اسىراتىن جانە قىلمىستىق جولمەن الىنعان كiرiستەردi زاڭداستىرۋعا (جىلىستاتۋعا) جانە تەرروريزمدi قارجىلاندىرۋعا قارسى iس-قيمىل جونiندەگi وزگە دە شارالاردى قولداناتىن مەملەكەتتiك ورگان; 2) كليەنت – سۋبەكتىلەردىڭ قىزمەتىن پايدالاناتىن جەكە جانە زاڭدى تۇلعا; 3) قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ تاۋەكەلدەرى – سۋبەكتىلەردى قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ پروتسەستەرىنە نەمەسە وزگە قىلمىستىق ىستەرگە قاساقانا نەمەسە بايقاماي تارتۋ مۇمكىندىگى; 4) قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ تاۋەكەلدەرىن باسقارۋ – قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ تاۋەكەلدەرىنىڭ مونيتورينگى, ولاردى ايقىنداۋ, سونداي-اق ولاردى تومەندەتۋ بويىنشا سۋبەكتىلەر قابىلدايتىن شارالار جيىنتىعى (قىزمەتتەرگە, كليەنتتەرگە قاتىستى); 5) قم-1 نىسانى – اج/تقق تۋرالى زاڭنىڭ 10-بابىنىڭ 2-تارماعىنا سايكەس قازاقستان رەسپۋبليكاسى ۇكىمەتىنىڭ 2012 جىلعى 23 قاراشاداعى №1484 قاۋلىسىمەن بەكىتىلگەن قارجى مونيتورينگى سۋبەكتىلەرىنىڭ قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى بەرۋ ەرەجەسىمەن ايقىندالعان نىسان. 5. ىشكى باقىلاۋ: 1) سۋبەكتىلەردىڭ قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى (بۇدان ءارى – اج/تقق) قازاقستان رەسپۋبليكاسى زاڭناماسىنىڭ تالاپتارىن ورىنداۋدى قامتاماسىز ەتۋى; 2) سۋبەكتىلەردىڭ ىشكى باقىلاۋ جۇيەسىنىڭ تيىمدىلىگىن قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ (بۇدان ءارى – اج/تق) تاۋەكەلدەرىن باسقارۋ ءۇشىن جەتكىلىكتى دەڭگەيدە قولداۋى; 3) اج/تقق تاۋەكەلدەرىن تومەندەتۋى ماقساتىندا جۇزەگە اسىرىلادى. 6. ىشكى باقىلاۋ ەرەجەلەرى (بۇدان ءارى – ىبە) اج/تقق-عا باعىتتالعان جۇمىستىڭ ۇيىمدىق نەگىزدەرىن رەتتەيتىن جانە سۋبەكتىلەردىڭ اج/تقق ماقساتىندا ءىس-ارەكەت جاساۋ ءتارتىبىن بەلگىلەيتىن قۇجات بولىپ تابىلادى. 7. زاڭنىڭ 11-بابى 3-تارماعىنا سايكەس ىبە مىناداي باعدارلامالاردى قامتيدى: اج/تقق جاساۋ ماقساتىندا ىشكى باقىلاۋدى ۇيىمداستىرۋ باعدارلاماسىن; تەحنولوگيالىق جەتىستىكتەردى پايدالانۋ تاۋەكەلىن قوسا العاندا, كليەنتتەردىڭ تاۋەكەلدەرىن جانە كورسەتىلەتىن قىزمەتتەردى قىلمىستىق ماقساتتاردا پايدالانۋ تاۋەكەلدەرىن ەسكەرەتىن, اج/تق تاۋەكەلىن باسقارۋ باعدارلاماسىن; كليەنتتەردى سايكەستەندىرۋ باعدارلاماسىن; كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن; قارجى مونيتورينگى سۋبەكتىلەرىنىڭ قىزمەتكەرلەرىن اج/تقق ماسەلەلەرى بويىنشا دايارلاۋ جانە وقىتۋ باعدارلاماسىن; ىبە سايكەس قارجى مونيتورينگى سۋبەكتىلەرى ازىرلەۋى مۇمكىن وزگە دە باعدارلامالاردى قامتيدى. 8. ىبە ۇيىمداستىرۋ, ىسكە اسىرۋ جانە ساقتاۋ مونيتورينگى بويىنشا ىبە جاۋاپتى لاۋازىمدى تۇلعا نە قۇرىلىمدىق بولىمشە تاعايىنداۋدى كوزدەيدى. ەسكەرتۋ. جاۋاپتى تۇلعانىڭ لاۋازىمىنا جوعارعى ءبىلىمى جوق, ەكونوميكالىق قىزمەت سالاسىندا اۋىرلىعى ورتاشا, اۋىر جانە اسا اۋىر قاساقانا جاسالعان قىلمىستارى ءۇشىن الىنباعان جانە جويىلماعان سوتتالعاندىعى بار تۇلعا تاعايىندالمايدى. 9. سۋبەكتىلەر «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسىنە سايكەس ىبە ازىرلەۋ جانە ورىنداۋ ءۇشىن جاۋاپتىلىقتا بولادى. 10. ەگەر اج/تقق تۋرالى زاڭناماعا وزگەرىستەر مەن (نەمەسە) تولىقتىرۋلار ەنگىزىلگەن جاعدايدا, سۋبەكتىلەر ولار كۇشىنە ەنگەن ۋاقىتتان باستاپ 30 كۇنتىزبەلىك كۇن ىشىندە ىبە ءتيىستى وزگەرىستەر مەن تولىقتىرۋلار ەنگىزەدى. 2. اج/تقق ماقساتىندا ىشكى باقىلاۋدى ۇيىمداستىرۋ باعدارلاماسى 11. اج/تقق ماقساتىندا ىشكى باقىلاۋدى ۇيىمداستىرۋ باعدارلاماسى: 1) جاۋاپتى لاۋازىمدى تۇلعا نە قۇرىلىمدىق بولىمشە قىزمەتىنىڭ سيپاتتاماسىن قوسا العاندا ىشكى باقىلاۋدى ۇيىمداستىرۋ تارتىبىنەن, سونىمەن قاتار اج/تقق ماقساتىندا ىشكى باقىلاۋدى جۇزەگە اسىرۋ بارىسىندا سۋبەكتىلەردىڭ باسقا قۇرىلىمدىق بولىمشەلەرىمەن ءوزارا ءىس-قيمىل تارتىبىنەن; 2) اج/تقق تۋرالى زاڭنىڭ 5-بابى 3-تارماعىنىڭ 1), 2), 2-1) جانە 4) تارماقشالارىندا كوزدەلگەن شارالاردى قولدانۋ مۇمكiن بولماعان جاعدايدا جەكە نەمەسە زاڭدى تۇلعاعا ىسكەرلىك قاتىناستاردى ورناتۋدان باس تارتۋ, سونداي-اق اقشامەن جانە (نەمەسە) وزگە مۇلiكپەن وپەراتسيالاردى جۇرگiزۋدەن باس تارتۋ جانە اج/تقق تۋرالى زاڭنىڭ 5-بابى 3-تارماعىنىڭ 6) تارماقشاسىندا كوزدەلگەن شارالاردى قولدانۋ مۇمكiن بولماعان جاعدايدا كليەنتپەن ىسكەرلىك قاتىناستاردى توقتاتۋ تارتىبىنەن; 3) زەردەلەۋگە جاتاتىن كۇردەلى, ەرەكشە ءىرى جانە باسقا دا ەرەكشە وپەراتسيالاردى سۋبەكتىلەردىڭ كۇدىكتى وپەراتسيا رەتىندە تانۋ تارتىبىنەن; 4) ۋاكىلەتتى ورگانعا مالىمەتتەردى, اقپاراتتى جانە قۇجاتتاردى جىبەرۋ ءۇشىن قولدانىلاتىن اۆتوماتتاندىرىلعان اقپاراتتىق جۇيەلەر جانە باعدارلامالىق قامتىم جۇمىسىنىڭ نۇسقامالارى مەن رەگلامەنتتەرىن قوسا العاندا ۋاكىلەتتى ورگانعا قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى, جەكە نەمەسە زاڭدى تۇلعامەن ىسكەرلىك قاتىناستار ورناتۋدان باس تارتۋ, كليەنتپەن ىسكەرلىك قاتىناستاردى توقتاتۋ, اقشامەن جانە (نەمەسە) وزگە م ۇلىكپەن وپەراتسيا جۇرگىزۋدەن باس تارتۋ فاكتىلەرىن بەرۋ تارتىبىنەن; 5) كليەنتتىڭ دەرەكناماسىن جانە ونىمەن حات-حابار الماسۋدى قوسقاندا, كليەنتتى تيىسىنشە تەكسەرۋ ناتيجەلەرى بويىنشا الىنعان قۇجاتتار مەن مالىمەتتەردى, قارجى مونيتورينگىنە جاتاتىن اقشامەن جانە (نەمەسە) وزگە م ۇلىكپەن وپەراتسيالار, سونىمەن قاتار كۇدىكتى وپەراتسيالار تۋرالى قۇجاتتار مەن مالىمەتتەردى, سونداي-اق بارلىق كۇردەلى, ەرەكشە ءىرى جانە باسقا دا ەرەكشە وپەراتسيالاردى زەردەلەۋ ناتيجەلەرىن قۇجاتتىق تىركەۋ جانە ساقتاۋ تارتىبىنەن. ەسكەرتۋ. قارجى مونيتورينگىنە جاتاتىن جانە ۋاكىلەتتى ورگانعا بەرىلەتىن وپەراتسيالاردى قۇجاتتىق تىركەۋ نومىرلەنگەن, تىگىلگەن, باسشىنىڭ قولى جانە مورىمەن بەكىتىلگەن قارجى مونيتورينگىنە جاتاتىن وپەراتسيالار تۋرالى مالىمەتتەرىنىڭ ەسەبى جۋرنالىندا جازىلادى. قارجى مونيتورينگىنە جاتاتىن وپەراتسيالار تۋرالى مالىمەتتەرىنىڭ ەسەبى جۋرنالىندا: اقپاراتتى ۋاكىلەتتى ورگانعا بەرۋ ءنومىرى مەن كۇنى; حاتتامانى جىبەرۋ نەگىزى; ۋاكىلەتتى ورگاننىڭ قم-1 نىسانىن قابىلداۋى/قابىلداماۋى تۋرالى حابارلاما ءنومىرى مەن كۇنى. 6) سۋبەكتىلەردىڭ قىزمەتكەرلەرى ولارعا بەلگىلى بولعان اج/تقق تۋرالى زاڭنامانى, ىبە سۋبەكتىلەر قىزمەتكەرلەرىنىڭ بۇزۋ فاكتىلەرى تۋرالى باسشىنى اقپاراتتاندىرۋ تارتىبىنەن. 12. جاۋاپتى لاۋازىمدى تۇلعانىڭ نە قۇرىلىمدىق بولىمشەنىڭ ىشكى باقىلاۋدى ۇيىمداستىرۋ باعدارلاماسىنا سايكەس مىناداي: 1) ىبە ازىرلەۋ جانە كەلىسۋ, ولارعا باسشىمەن بىرگە وزگەرىستەر مەن تولىقتىرۋلار ەنگىزۋ, سونداي-اق ولاردى ىسكە اسىرۋ جانە ساقتاۋ مونيتورينگى; 2) اج/تقق تۋرالى زاڭعا سايكەس قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى ۋاكىلەتتى ورگانعا بەرۋدى ۇيىمداستىرۋ جانە باقىلاۋ; 3) كليەنت وپەراتسيالارىن كۇدىكتى رەتىندە تانۋ تۋرالى شەشىمدەر قابىلداۋ; 4) كليەنت وپەراتسيالارىن كۇردەلى, ەرەكشە ءىرى جانە باسقا دا ەرەكشە وپەراتسيالارعا جاتقىزۋ تۋرالى شەشىمدەر قابىلداۋ; 5) كليەنت وپەراتسيالارىن توقتاتۋ نە جۇرگىزۋدەن باس تارتۋ جانە ۋاكىلەتتى ورگانعا جولداۋ قاجەتتىلىگى تۋرالى شەشىمدەر قابىلداۋ; 6) كليەنتتەرمەن ىسكەرلىك قاتىناستار ورناتۋ, جالعاستىرۋ نە توقتاتۋ تۋرالى شەشىمدەر قابىلداۋ; 7) كليەنتتەرمەن ىسكەرلىك قاتىناستار ورناتۋ, جالعاستىرۋ نە توقتاتۋ تۋرالى شەشىمدەر قابىلداۋ ءۇشىن سۋبەكتى باسشىسىنا سۇراۋلار جولداۋ; 8) كليەنتكە (ونىڭ وكىلىنە) جانە بەنەفيتسيارلىق مەنشىك يەسىنە قاتىستى قابىلدانعان شەشىمدەردى قۇجاتتىق تىركەۋ; 9) ىبە ىسكە اسىرۋ بارىسىندا الىنعان دەرەكتەر نەگىزىندە كليەنتتىڭ دەرەكناماسىن قالىپتاستىرۋ; 10) انىقتالعان ىبە بۇزۋ تۋرالى باسشىعا اقپارات بەرۋ; 11) ىبە ىسكە اسىرۋ قورىتىندىلارى جانە اج/تق تاۋەكەلدەرىن باسقارۋ جۇيەسىن جانە اج/تقق ىشكى باقىلاۋدى جەتىلدىرۋ جونىندە ۇسىنىلاتىن شارالار تۋرالى سۋبەكتى باسشىسىنا ەسەپتى ۇسىنۋ ءۇشىن اقپارات دايىنداۋ; 12) كليەنتتىڭ دەرەكناماسىن جانە ونىمەن حات-حابار الماسۋدى قوسا العاندا, كليەنتتى تيىسىنشە تەكسەرۋ ناتيجەلەرى بويىنشا الىنعان قۇجاتتار مەن مالىمەتتەردى, قارجى مونيتورينگىنە جاتاتىن اقشامەن جانە (نەمەسە) وزگە م ۇلىكپەن وپەراتسيالار, سونىمەن قاتار كۇدىكتى وپەراتسيالار تۋرالى قۇجاتتار مەن مالىمەتتەردى, سونداي-اق بارلىق كۇردەلى, ەرەكشە ءىرى جانە باسقا دا ەرەكشە وپەراتسيالاردى زەردەلەۋ ناتيجەلەرىن كليەنتپەن ىسكەرلىك قاتىناستاردى توقتاتقان كۇننەن باستاپ كەمiندە بەس جىل ساقتاۋدى قامتاماسىز ەتۋ; 13) اج/تقق تۋرالى زاڭناماعا جانە سۋبەكتىلەردىڭ ىشكى قۇجاتتارىنا سايكەس وزگە فۋنكتسيالارى بار. 13. سۋبەكتىلەر جۇكتەلگەن فۋنكتسيالارعا سايكەس: 1) ءوز قىزمەتىن جۇزەگە اسىرۋ بارىسىندا الىنعان اقپاراتتى قۇپيا ساقتاۋدى قامتاماسىز ەتەدى; 2) اج/تقق تۋرالى زاڭنامانى ورىنداۋىن باقىلاۋدى جۇزەگە اسىرۋ ءۇشىن ءتيىستى مەملەكەتتىك ورگاندارعا اقپارات بەرەدى. 3. اج/تق تاۋەكەلىن باسقارۋ باعدارلاماسى 14. اج/تق تاۋەكەلىن باسقارۋ باعدارلاماسى كليەنتتىڭ وپەراتسياسىن جۇزەگە اسىراتىن تۇلعانىڭ تاۋەكەل دەڭگەيىن بەرۋ ارقىلى اج/تق بايلانىستى كليەنتتىڭ اقشامەن جانە (نەمەسە) وزگە م ۇلىكپەن وپەراتسيالارىن جۇرگىزۋ تاۋەكەلىنە باعا بەرۋدى كوزدەيدى. ەسكەرتۋ. تاۋەكەل دەڭگەيلەرى قولدا بار مالىمەتتەر نەگىزىندە قالىپتاستىرىلادى. تاۋەكەلدەردى باعالاۋ قورىتىندىلارى قۇجاتتىق تىركەلەدى جانە ءتيىستى مەملەكەتتىك ورگانداردىڭ جانە سۋبەكتى مۇشە بولىپ تابىلاتىن قارجى ەمەس ۇيىمداردىڭ تالاپتارى بويىنشا ۇسىنىلادى. كليەنتكە بەرىلگەن تاۋەكەلدەر دەڭگەيى قاجەتتىلىگى بويىنشا, الايدا جىلىنا كەمىندە ءبىر رەت قايتا قارالۋى ءتيىس. 15. اج/تق تاۋەكەلىن باسقارۋ باعدارلاماسىندا تاۋەكەلدىڭ جوعارى دەڭگەيى: 1) مىناداي: فاتف ۇسىنىمدارىن ورىندامايتىن جانە (نەمەسە) تولىق كولەمدە ورىندامايتىن; جەمقورلىق نەمەسە وزگە قىلمىستىق ارەكەتتەرى جوعارى دەڭگەيدەگى; بۇۇ سالاتىن سانكتسيالارعا, ەمبارگو جانە سول سياقتى شارالارعا ۇشىراعان; تەرروريستىك (ەكسترەميستىك) ارەكەتتەردى قارجىلاندىراتىن نەمەسە قولداۋ كورسەتەتىن جانە بەلگىلەنگەن تەرروريستىك (ەكسترەميستىك) ۇيىمدارى بار مەملەكەتتەن (اۋماقتان) كەلگەن جەكە جانە زاڭدى تۇلعالاردىڭ ىسكەرلىك قاتىناستارعا جانە مامىلەلەرگە; ەسكەرتۋ. وسىنداي مەملەكەتتەرگە (اۋماقتارعا) بۇۇ-نىڭ جانە حالىقارالىق ۇيىمداردىڭ مالىمەتتەرى بويىنشا سىلتەمەلەر ۋاكىلەتتى ورگاننىڭ رەسمي ينتەرنەت-رەسۋرسىندا جاريالانادى. 2) مىناداي جاعدايلاردا كليەنتكە: كليەنت شەتەلدiك جاريا لاۋازىمدى تۇلعا نە جاريا حالىقارالىق ۇيىمنىڭ لاۋازىمدى تۇلعاسى, نە شەتەلدiك جاريا لاۋازىمدى تۇلعانىڭ مۇددەسىنە (پايداسىنا) ارەكەت ەتەتىن تۇلعا, نە شەتەلدiك جاريا لاۋازىمدى تۇلعانىڭ زايىبى, جاقىن تۋىسى بولعان; كليەنت (ونىڭ وكىلى) نە بەنەفيتسيارلىق مەنشىك يەسى, نە وپەراتسيا بويىنشا كليەنتتىڭ كونتراگەنتى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك رەەسترىندە № 6058 تىركەلگەن قازاقستان رەسپۋبليكاسى قارجى ءمينيسترىنىڭ م.ا. 2010 جىلعى 10 اقپانداعى № 52 بۇيرىعىمەن بەكىتىلگەن وففشورلىق ايماقتار تىزبەسىنە ەنگەن مەملەكەتتە نەمەسە اۋماقتا تىركەلگەن نەمەسە قىزمەت ەتكەن; كليەنت اج/تقق تۋرالى زاڭنىڭ 12-بابىنا سايكەس تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە ەنگەن; ازاماتتىعى جوق بولىپ تابىلاتىن كليەنت, نە قازاقستان رەسپۋبليكاسىندا تىركەلگەن نەمەسە قازاقستان رەسپۋبليكاسىندا كەلۋ مەكەنجايى جوق; مەملەكەتتىك تىركەۋ كەزىندە كليەنتتىڭ مالىمدەلگەن ورنى ونىڭ باسقارۋ ورگانىنىڭ ءىس جۇزىندەگى قىزمەت ورنىمەن سايكەس كەلمەگەن; كليەنتپەن ىسكەرلىك قاتىناس ەرەكشە (مىسالى, سۋبەكتى مەن كليەنتتىڭ اراسىندا تۇسىنىكسىز گەوگرافيالىق اراقاشىقتىق بار) جاعدايلاردا جۇزەگە اسىرىلعان; كليەنتتىڭ قىزمەتى قولما-قول اقشا قارقىندى اينالىمىمەن بايلانىستى; كليەنت بەرگەن مالىمەتتەردى تەكسەرۋ كەزىندە سۋبەكتىلەردە قيىندىقتار پايدا بولعان; كليەنت وپەراتسيا جۇرگىزۋدى تەزدەتكەن, نە پايدالانىلۋى سۋبەكتىلەردىڭ ادەتتەگى تاجىريبەسىنەن ايىرىقشالاناتىن ستاندارتتى ەمەس ەرەكشە ەسەپتىڭ كۇردەلى سحەمالارىن جۇرگىزۋدى تالاپ ەتكەن; كليەنت جاڭا, سونداي-اق قولدا بار ونىمدەرگە بەرۋدىڭ جاڭا تەتىكتەرىن, جاڭا جانە دامىپ كەلە جاتقان تەحنولوگيالاردى قوسا العاندا جاڭا ونىمدەردى جانە جاڭا ىسكەرلىك تاجىريبەنى قولدانعان; كليەنت قارجى مونيتورينگى راسىمدەرىنەن جالتارۋعا باعىتتالعان ءىس-قيمىل جاساعان; كليەنت كوممەرتسيالىق ەمەس ۇيىم بولىپ تابىلعان; كليەنت وپەراتسيالارى بۇرىن كۇدىكتى دەپ تانىلعاندا; اج/تق-دىڭ جوعارى تاۋەكەلىمەن بايلانىستى كليەنت تۋرالى وزگە اقپارات بولعان جاعدايدا; 3) وپەراتسيالار: تاراپتاردىڭ ءىس جۇزىندە قاتىسۋىنسىز جۇرگىزىلەتىن; بەلگىسىز نەمەسە بايلانىستى ەمەس ءۇشىنشى تاراپتىڭ اتىنان نەمەسە ونىڭ پايداسىنا جۇرگىزىلەتىن; قولما-قول ەسەپ ايىرىسۋدى قوسا العاندا جاسىرىن بانك شوتتارىمەن نەمەسە جاسىرىن, ويلاپ تابىلعان ەسىمدەردى قولدانۋمەن بايلانىستى; ايقىن ەكونوميكالىق ءمانى جوق نەمەسە انىق قويىلعان زاڭدى ماقساتى جوق; كليەنتتىڭ وعان ءتان ەمەس جيىلىكپەن, نە وسى كليەنت ءۇشىن ەرەكشە ءىرى سوماعا جۇرگىزىلگەن; اج/تق-دىڭ جوعارى تاۋەكەلى تۋرالى اقپارات بار بولعان جاعدايدا بەرىلەدى. اج/تق تاۋەكەلىن باسقارۋ باعدارلاماسىندا تاۋەكەلدىڭ تومەن دەڭگەيى: 1) مىناداي: فاتف ۇسىنىمدارىن ورىندامايتىن جانە (نەمەسە) تولىق كولەمدە ورىندامايتىن مەملەكەتتەر (اۋماقتار) تىزبەسىنە ەنبەگەن; جەمقورلىق نەمەسە وزگە قىلمىستىق ارەكەتتەرى تومەن دەڭگەيدەگى مەملەكەتتەن (اۋماقتان) كەلگەن جەكە جانە زاڭدى تۇلعالاردىڭ ىسكەرلىك قاتىناستارى مەن مامىلەلەرىنە; 2) كليەنت قارجى مەكەمەسى – قارجى مونيتورينگى سۋبەكتىسى بولعان جانە سوڭعى ءبىر جىلدا اج/تقق تۋرالى زاڭنامانى ساقتاماعانى ءۇشىن اكىمشىلىك جاۋاپكەرشىلىككە تارتىلماعان جاعدايدا; 3) وپەراتسيالار: مەملەكەتتىك ساتىپ الۋ تۋرالى شارتتاردى ورىنداۋمەن جانە حالىقارالىق اۋدارىمداردى جۇزەگە اسىرۋمەن بايلانىستى جاعدايلاردى قوسپاعاندا مەملەكەتتىك مەكەمە نەمەسە كاسىپورىن جاساعان; زەينەتاقى, جاردەماقى جانە باسقا مەملەكەتتىك بيۋدجەتتەن تولەنەتىن الەۋمەتتىك تولەمدەرگە بايلانىستى بەرىلەدى. 4. كليەنتتەردى سايكەستەندىرۋ باعدارلاماسى 16. كليەنتتەردى سايكەستەندىرۋ باعدارلاماسى كليەنت جۇزەگە اسىرعان وپەراتسيالاردى قارجىلاندىرۋ كوزى تۋرالى مالىمەتتەردى قوسا العاندا كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەردى, انىقتاۋ, بۇرىن الىنعاندى جاڭارتۋ بويىنشا شارالاردى سۋبەكتىلەردىڭ جۇرگىزۋى بولىپ تابىلادى جانە: 1) اج/تقق تۋرالى زاڭى 5-بابىنىڭ تالاپتارىنا سايكەس كليەنتتى (ونىڭ وكىلىن) جانە بەنەفيتسيارلىق مەنشىك يەسىن تيىسىنشە تەكسەرۋ جونىندەگى شارالاردى ساقتاۋ; 2) اج/تقق تۋرالى زاڭنىڭ 5-بابى 3-تارماعىنىڭ 6) تارماقشاسىنا سايكەس كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەردىڭ دۇرىستىعىن تەكسەرۋ; 3) اج/تقق تۋرالى زاڭنىڭ 12-بابىنا سايكەس تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىمەن كوزدەلگەندەي كليەنتكە (ونىڭ وكىلىنە) جانە بەنەفيتسيارلىق مەنشىك يەسىنە قاتىستى ولاردىڭ تەرروريزمدى جانە ەكسترەميزمدى قارجىلاندىرۋمەن بايلانىسىنىڭ بارىن نەمەسە جوعىن; 4) اج/تقق تۋرالى زاڭى 8-بابىنىڭ تالاپتارىنا سايكەس كليەنتتiڭ شەتەلدiك جاريا لاۋازىمدى تۇلعاعا, ونىڭ وتباسى مۇشەلەرىنە جانە جاقىن تۋىستارىنا جاتاتىنىن جانە (نەمەسە) قاتىستىلىعىن تەكسەرۋ; 5) اج/تقق تۋرالى زاڭنىڭ 4-بابى 4-تارماعىنىڭ 4) تارماقشاسىنا سايكەس فاتف ۇسىنىمدارىن ورىندامايتىن مەملەكەتتە (اۋماقتا) تىركەلگەن نەمەسە تۇراتىن نە كورسەتىلگەن مەملەكەتتە (كورسەتىلگەن اۋماقتا) تىركەلگەن بانكتەگى شوتتى پايدالاناتىن جەكە تۇلعالاردى انىقتاۋ; 6) تاۋەكەلدەردى باسقارۋ باعدارلاماسىنا سايكەس كليەنتكە بەرىلگەن تاۋەكەل دەڭگەيىنە بايلانىستى كليەنتتى تيىسىنشە تەكسەرۋ شارالارىن قولدانۋ; 7) كليەنتتى سايكەستەندىرۋ ناتيجەلەرى بويىنشا الىنعان مالىمەتتەردى, كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى سايكەستەندىرۋ مالىمەتتەرىنىڭ وزگەرۋىنە بايلانىستى, الايدا جىلىنا كەمىندە ءبىر رەت مالىمەتتەردى جاڭارتۋ راسىمدەرىن قوسادى. ەسكەرتۋ. تاۋەكەل دەڭگەيى جوعارى كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەر جارتى جىلدا كەمىندە ءبىر رەت جاڭارتىلىپ وتىرادى. اج/تقق تۋرالى زاڭنىڭ 5-بابى 3-تارماعىنىڭ 1), 2), 2-1) جانە 4) تارماقشالارىندا كوزدەلگەن شارالاردى قولدانۋ مۇمكiن بولماعان جاعدايدا, كليەنتپەن ىسكەرلىك قاتىناستاردى ورناتۋدان, سونداي-اق اقشامەن جانە (نەمەسە) وزگە مۇلiكپەن وپەراتسيالاردى جۇرگiزۋدەن باس تارتقان جاعدايدا سۋبەكتىلەر ۋاكىلەتتى ورگانعا وسىنداي باس تارتۋ فاكتىلەرى تۋرالى قم-1 نىسانى بويىنشا حابارلاما جىبەرەدى. اج/تقق تۋرالى زاڭنىڭ 5-بابى 3-تارماعىنىڭ 6) تارماقشاسىندا كوزدەلگەن شارالاردى قولدانۋ مۇمكiن بولماعان جاعدايدا, سونداي-اق كليەنت جاسايتىن وپەراتسيالاردى زەردەلەۋ پروتسەسىندە كليەنت ىسكەرلىك قاتىناستاردى اج/تق ماقساتىندا پايدالانىلانادى دەگەن كۇدىك تۋىنداعان جاعدايدا, سۋبەكتىلەر كليەنتپەن ىسكەرلىك قاتىناستاردى توقتاتۋعا قۇقىلى. ەگەر ىسكەرلىك قاتىناستار جوعارىدا كورسەتىلگەن نەگىزدەر بويىنشا توقتالسا, سۋبەكتىلەر ۋاكىلەتتى ورگانعا قم-1 نىسانى بويىنشا حابارلاما جولدايدى. 5. كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسى 17. سۋبەكتىلەر مىناداي وپەراتسيالاردى انىقتاۋدى قامتيتىن, كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن ازىرلەيدى: 1) اج/تقق تۋرالى زاڭنىڭ 4-بابىنىڭ 1 جانە 2-تارماقتارىندا كورسەتىلگەن; 2) اج/تقق تۋرالى زاڭنىڭ 4-بابىنىڭ 3-تارماعىندا كورسەتىلگەن; 3) اج/تقق تۋرالى زاڭنىڭ 4-بابىنىڭ 4-تارماعىندا كورسەتىلگەن. 18. سۋبەكتىلەر كليەنتكە جوعارى دەڭگەيدەگى تاۋەكەل بەرىلگەن جاعدايدا كليەنت سوڭعى جىلدا جۇرگىزگەن بارلىق وپەراتسيالاردى زەردەلەيدى. 19. كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن ىسكە اسىرۋ اياسىندا الىنعان مالىمەتتەر قۇجاتتىق تىركەلەدى جانە كليەنتتىڭ دەرەكناماسىنا ەنگىزىلەدى. 20. اج/تقق تۋرالى زاڭنىڭ 4-بابى 1, 2 جانە 3-تارماقتارىندا كورسەتىلگەن كليەنتتىڭ انىقتالعان وپەراتسيالارى تۋرالى مالىمەتتەر مەن اقپاراتتار ۋاكىلەتتى ورگانعا قم-1 نىسانى بويىنشا ۇسىنىلادى. 21. سۋبەكتىلەر مىندەتتى زەردەلەۋگە جاتاتىن وپەراتسيالار تۋرالى حابارلامانى وسىنداي وپەراتسيا كۇدىكتى رەتىندە تانىلعان كۇننەن كەيىنگى كەلەسى جۇمىس كۇنىنەن كەشiكتiرمەي ۋاكىلەتتى ورگانعا ۇسىنادى. 6. سۋبەكتىلەر قىزمەتكەرلەرىن اج/تقق ماسەلەلەرى بويىنشا دايارلاۋ جانە وقىتۋ باعدارلاماسى 22. قىزمەتكەرلەردى اج/تقق ماسەلەلەرى بويىنشا دايارلاۋ جانە وقىتۋ باعدارلاماسى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك رەەسترىندە № 10001 تىركەلگەن قازاقستان رەسپۋبليكاسى قارجى ءمينيسترىنىڭ 2014 جىلعى 28 قاراشاداعى № 533 بۇيرىعىمەن بەكىتىلگەن قارجى مونيتورينگى سۋبەكتiلەرiن جۇمىسكەرلەردى دايارلاۋ جانە وقىتۋ بويىنشا قويىلاتىن تالاپتارعا سايكەس ازىرلەنەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 3 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9920 بولىپ ەنگىزىلدى.