فوتو: ن.بايبۋلين
پرەزيدەنت وسى ماقساتتا توكيودا جاپونيالىق ءىرى بيزنەس وكىلدەرىمەن كەزدەسۋلەر وتكىزبەك.
بارلىعى 40-تان استام قۇجاتقا قول قويۋ جوسپارلانعان. كەلىسىمدەر ەنەرگەتيكا, جاڭارتىلاتىن قۋات كوزدەرى, تسيفرلاندىرۋ, تاۋ-كەن, كولىك سەكىلدى نەگىزگى سالالاردى قامتيدى.
قازاقستان تاراپىنان قۇجاتتارعا «سامۇرىق-قازىنا», KEGOC, «قازاتومونەركاسىپ», «تاۋ-كەن سامۇرىق», «قازپوشتا», «قازاقستان تەمىر جولى» كومپانيالارى, ال جاپونيا تاراپىنان Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power جانە RIKEN KOGYO سياقتى كومپانيالاردىڭ وكىلدەرى قول قويادى. پرەزيدەنتتىڭ جاپونياعا ساپارى اياسىندا وزگە دە رەسمي كەلىسسوزدەر مەن ىسكەرلىك كەزدەسۋلەر وتكىزۋ جوسپارلانىپ وتىر.
ايتا كەتەيىك, پرەزيدەنت جاپونيا يمپەراتورىنىڭ سارايىنا باردى. قاسىم-جومارت توقاەۆتى يمپەراتور نارۋحيتو قارسى الدى.
پرەزيدەنت قوناقجايلىق تانىتقانى ءۇشىن جاپونيا يمپەراتورىنا ريزاشىلىعىن ءبىلدىردى.
