فوتو: اشىق دەرەككوز
جەكسەنبى كۇنى بىرنەشە بەلگىسىز ادام سيدنەيدەگى بوندي جاعاجايىندا دەمالۋشىلارعا وق جاۋدىرعان. قازىرگى مالىمەت بويىنشا, 16 ادام قازا تاۋىپ, تاعى 40 ادام اۋرۋحانادا جاتىر. قۇربانداردىڭ اراسىندا بالالار دا بار.
ەگەر كەزدەيسوق ءوتىپ بارا جاتقان ازاماتتاردىڭ ءبىرى قارۋلى قىلمىسكەردى توقتاتپاعاندا, قۇرباندار سانى بۇدان دا كوپ بولۋى مۇمكىن ەدى. ەر ادام شابۋىلداۋشىعا ارتىنان تاپ بەرىپ, ونىڭ قولىنداعى مىلتىقتى ج ۇلىپ العان.
پوليتسيانىڭ بولجامىنشا, شابۋىلدىڭ نىساناسى ەۆرەيلەردىڭ حانۋكا مەرەكەسىنە ارنالعان ءىس-شارا بولعان. قۇقىق قورعاۋ ورگاندارىنداعى دەرەككوزدەر قىلمىستىڭ بىرنەشە اي بويى جوسپارلانعانىن ايتادى.
الدىن الا مالىمەت بويىنشا, كۇدىكتىلەردىڭ ءبىرى قازا بولىپ, ەكىنشىسى جارالانىپ, ۇستالعان. شابۋىل جاساعانداردىڭ ءبىرى سيدنەي تۇرعىنى ناۆيد اكرام بولىپ شىقتى, ونىڭ ۇيىندە ءتىنتۋ جۇرگىزىلگەن. اۆستراليالىق باق-تىڭ جازۋىنشا, ءۇشىنشى كۇدىكتى ءوز ەركىمەن بەرىلگەن.
ەسكە سالايىق, بۇعان دەيىن سيدنەي قالاسىنداعى بوندي جاعاجايىندا بەلگىسىز بىرەۋلەردىڭ وق اتقانىن حابارلاعان ەدىك.
