بولشەك ساۋدا قارقىن الدى

بۇل – وتكەن جىلدىڭ وسى كەزەڭىمەن سالىستىر­عان­دا 7,3%-عا جوعارى كورسەتكىش. دەمەك, حالىق­تىڭ سۇرانىسى ارتىپ, بيزنەستىڭ بەرەرى كوبەيگەن. ­ساي­كەسىنشە, قارجى اينالىمى بۇرىنعىدان جاقسارعان.

ءبىر جىلدا ازىق-ت ۇلىك ساتىلىمى 7,9%-عا وسكەن. بۇل حالىقتىڭ تاماققا دەگەن شىعىنى ارتقانىن بىلدىرەدى. ال كيىم مەن تۇرمىستىق زاتتاردىڭ ساتىلىمى 7%-عا كوبەيگەن.

ساۋدانى قىزدىرىپ جاتقاندار شەتەلدىك الپا­ۋىتتار ەمەس, ءوز كاسىپكەرلەرىمىز. جىل باسىنان بەرى جەكەمەنشىك دۇكەندەر مەن كومپانيالار 20,6 ترلن تەڭگەنىڭ تاۋارىن ساتقان. بۇل – بارلىق بولشەك ساۋدانىڭ 90,1%-ى. ياعني ەلدەگى اقشا اينالىمىنىڭ باسىم بولىگى ءوز ازاماتتارىمىزدىڭ قولىندا دەگەن ءسوز. شەتەلدىك كومپانيالاردىڭ ۇلەسى – نەبارى 9,9%.

ساۋدا-ساتتىق حالقى تىعىز ورنالاسقان ايماق­تاردا جاقسى دامىعان. مىسالى, تۇرعىنى كوپ ال­ما­تى­دا ەلدەگى بارلىق بولشەك ساۋدانىڭ 33,6%-ى جا­سالادى. استانانىڭ ۇلەسى – 14,2%. قاراعاندى مەن شىعىس قازاقستان دا الدىڭعى قاتاردا. بۇل وڭىرلەردە حالىقتىڭ تابىسى جوعارىراق, جۇمىس تا كوپ, سوندىقتان ساۋدا-ساتتىق تا جاقسى جۇرەدى.

بولشەك ساۋدا كولەمىنىڭ ارتۋى حالىقتىڭ تۇتىنۋ قابىلەتىنىڭ بىرتىندەپ قالپىنا كەلە باستا­عانىن كورسەتەدى. بۇل جەردە تەك اقشانىڭ كوپتىگى ەمەس, نارىقتىڭ تۇراقتىلىعى ماڭىزدى. تۇتىنۋشى ەرتەڭگى كۇنىن ويلاي وتىرىپ تا ساۋدا جاساي الادى. سوندىقتان ساۋدا ءوسىمىن ىشكى نارىقتىڭ جاندانۋىنان بولەك, جالپى ەكونوميكالىق احۋالدىڭ وڭالۋىمەن بايلانىستىرۋعا بولادى.