اكبار ءماجيت – ۇلتىمىز ءۇشىن كورنەكتى تۇلعا. قىتاي تىلىندە قالام تەربەيتىن بىردەن-ءبىر قازاق قالامگەرى. قىتاي استاناسىنداعى «قىتاي جازۋشىلارى» باسپا توبى ديرەكتورىنىڭ ورىنباسارى, «قىتاي جازۋشىلارى» ادەبي جۋرنالىنىڭ باس رەداكتورى بولىپ قىزمەت اتقارعان.
قالامگەردىڭ «قايران ون بەستەگى قاليدا-اي», «اقساق قۇلان», «مۇحاممەت پايعامبار», «مۇقالي» سياقتى شىعارمالارى جارىق كورگەن. ابايدىڭ قارا سوزدەرىن قىتاي تىلىنە اۋدارعان. قحر حالىقتىڭ ساياسي كەڭەسىنىڭ مۇشەسى, ءۇش مارتە قحر مەملەكەتتىك سىيلىعىنىڭ, II دارەجەلى «دوستىق» وردەنىنىڭ يەگەرى.
