«قىتايدان قاشپاۋىمىز كەرەك. بۇكىل الەم قىتاي ينۆەستيتسياسىنا ءزارۋ, سوعان تالاسىپ جاتىر. ولار ءبىزدىڭ جولىمىزدى سالعالى وتىر. ەگەر دە ولاردىڭ تالابىنا ساي جۇمىس ىستەي الاتىن بولسا, نەگە جەرگىلىكتى مامانداردى جۇمىسقا تارتپاسقا؟ تارتامىز. وزدەرىڭىز بىلەسىزدەر, ومبى – مايقاپشاعاي كۇرە جولىنىڭ قالباتاۋ – مايقاپشاعاي جولىن سالعان كەزدە 200-گە جۋىق جەرگىلىكتى تۇرعىن سول جەردە جۇمىس ىستەدى. قاراپايىم حالىقتى قىتايعا قارسى قويۋعا بولمايدى. قىتاي حالقى الەمنىڭ بارلىق ەلىندە جۇمىس ىستەپ ءجۇر. سوندىقتان قىتايدان قورىقپاۋىمىز كەرەك. ولار اياگوز – باقتى تەمىرجولىن سالۋعا قاتىسىپ جاتىر. كەرىسىنشە, سىزدەر قىتايلارعا كومەكتەسىڭىزدەر. ولار جۇمىس ىستەۋگە كەلدى. قوناق ۇيدە تۇرماعاندا, قايدا تۇرادى؟! ولار قوناق ءۇيدىڭ يەسىنە اقشاسىن تولەپ, زاڭدى تۇردە تۇرىپ جاتىر. الداعى 2 جىل ىشىندە تەمىرجول سالىنادى, تەمىرجولدىڭ بويىنا باسقا دا ادامدار كەلەدى. ونىڭ ءبارى اقشا, ونىڭ ءبارى ءبىزدىڭ وبلىسىمىزدىڭ ەكونوميكاسىنا قۇيىلعان قارجى. ۇلكەن ينۆەستيتسيا. ولاردى ءبىز قايتا تارتۋ كەرەكپىز. پرەزيدەنت قاسىم-جومارت توقاەۆ پەن قىتاي ەلىنىڭ باسشىسى سي تسزينپينگە راحمەت, ەكى ەلدىڭ اراسىنداعى بارىس-كەلىستى ارتتىرۋ ءۇشىن ۆيزاسىز رەجيم جاسادى. سىزدەر دە قىتايعا بارىپ ساۋدا جاساڭىزدار», دەدى ءوڭىر باسشىسى.
ول جاستاردى قىتايدان كەلگەن جۇمىسشىلارعا قارسى قويماي, كەرىسىنشە, ولاردىڭ بىزگە ەڭبەك ەتۋگە كەلىپ جاتقانىن, ءبىزدىڭ جولىمىزدى سالىپ بەرەيىن دەپ جاتقانىن ءتۇسىندىرۋىمىز كەرەك دەدى.
«تەمىرجول سالىناتىن بولسا, ەل ەكونوميكاسىنا قانشاما قارجى قۇيىلادى. تەمىرجول اياگوزگە دەيىن كەلەتىن بولسا, ونىڭ كەلەسى كەزەڭى بار. اياگوزدەن قاراعاندىعا جول تارتىلادى. اياگوزدىڭ ەكىنشى, ءۇشىنشى تىنىسى سوندا اشىلادى», دەدى بەرىك ءۋالي.
