فوتولار: عىلىم جانە جوعارى ءبىلىم مينيسترلىگى
پوستدوكتورانت Faisal Kholiya مەن PhD دوكتورانتى مەرۋەرت يمانبەك قاۋىمداستىرىلعان پروفەسسور سانا قابدراحمانوۆانىڭ جەتەكشىلىگىمەن گيدروتەرمالدىق سينتەزدىڭ زاماناۋي ادىستەرىن پايدالانا وتىرىپ, تاعامدىق جانە فارماتسەۆتيكالىق ماقساتتارعا جارامدى جوعارى ساپالى پەكتين, شىعىمى شامامەن 35% تسەلليۋلوزا, سونداي-اق ولشەمى 8-14 نانومەتر بولاتىن فوتوليۋمينەستسەنتتى كومىرتەكتى كۆانتتىق نۇكتەلەر جاسادى.
الىنعان ماتەريالدار ازىق-ت ۇلىكتى ساقتاۋ تەحنولوگيالارىندا, دارىلىك زاتتاردى جەتكىزۋ جۇيەلەرىندە, ۆيزۋالدى وزىق مەديتسينادا جانە قولدانبالى نانوتەحنولوگيالىق يننوۆاتسيالار سالاسىندا كەڭىنەن قولدانىلۋى مۇمكىن.
ء«بىزدىڭ جوبامىز اۋىل شارۋاشىلىعى قالدىقتارىن جوعارى ساپالى پرەميۋم-ماتەريالدارعا اينالدىرۋدىڭ جارقىن مىسالى بولماق», دەدى جوبا جەتەكشىسى سانا قابدراحمانوۆا.
عىلىمي زەرتتەۋ جۇمىستارى ساتباەۆ ۋنيۆەرسيتەتىنىڭ ءو.بايقوڭىروۆ اتىنداعى تاۋ-كەن جانە مەتاللۋرگيا ينستيتۋتىنىڭ «حيميالىق ۇدەرىستەر جانە وندىرىستىك ەكولوگيا» كافەدراسى بازاسىندا جۇمىس ىستەيتىن وزىق فۋنكتسيونالدى ماتەريالدار جانە ولاردىڭ كومپوزيتتەرى جونىندەگى حالىقارالىق R&D ورتالىعىندا جۇزەگە اسىرىلدى.
اۋىل شارۋاشىلىعى قالدىقتارىن قايتا وڭدەۋ ونەركاسىپتىك دەڭگەيدە تولىق ىسكە اسىرۋعا بولاتىن تۇراقتى جانە ەكونوميكالىق ءتيىمدى پروتسەسس ەكەنىن زەرتتەۋ ناتيجەلەرى كورسەتتى. بۇل اۋىلدىق وڭىرلەردە جاڭا جۇمىس ورىندارىنىڭ پايدا بولۋىنا, ونەركاسىپ سەكتورىنىڭ الەۋەتىن نىعايتۋعا جانە ەل ىشىندە عىلىمي-تەحنولوگيالىق قۇزىرەتتەردى دامىتۋعا مۇمكىندىك بەرەدى.
