«قازىرگى ۋاقىتتا مۇنداي جوبانىڭ ىسكە قوسىلماعانىن رەسمي تۇردە حابارلايمىز. ەستەرىڭىزگە سالا كەتەيىك, ءمامس بويىنشا تەگىن ءتىس ەمدەۋ كومەگى حالىقتىڭ بەلگىلى ساناتتارىنا عانا قولجەتىمدى. اتاپ ايتقاندا, بالالار جەدەل جانە جوسپارلى ستوماتولوگيالىق قىزمەتتەرگە جۇگىنە الادى. ولارعا كۇردەلى تىسجەگىنى, ءپۋلپيتتى جانە پەريودونتيتتى ەمدەۋ, ءتىس ءتۇبىرىن پلومبالاۋ, ءتىس جۇلۋ, ابستسەسستى اشۋ, پلاستيكالىق وپەراتسيالار, پارودونت قالتالارىن ساناتسيالاۋ, سونداي-اق الدىن الۋ شارالارى – فيسسۋرالاردى گەرمەتيزاتسيالاۋ, رەمينەراليزاتسيا, ميوتەراپيا جانە باسقا دا قىزمەتتەر كىرەدى», دەلىنگەن قوردىڭ رەسمي تاراتقان اقپاراتىندا.
نەگىزى ءمامس جۇيەسى بويىنشا ورتودونتيالىق كومەكتى دە الۋعا بولادى. ورتودونتيالىق كومەك جاق-بەت اۋماعىنىڭ تۋا بىتكەن پاتولوگياسى بار بالالارعا, ءتىس-جاق انوماليالارى بار از قامتىلعان وتباسىلاردان شىققان بالالارعا كورسەتىلەدى. اتالعان قىزمەت تىزىمىنە ورتودونت كەڭەسى, تۋا بىتكەن جاق-بەت پاتولوگياسى بار بالالار ءۇشىن ورتودونتيالىق پلاستينكانى قولدانا وتىرىپ, ءتىس-جاق انوماليالارىن تۇزەتۋ, ورتودونتيالىق كوررەكتسيا, كەشەندى باستاپقى تەكسەرۋ, ءتىس قالىبىن الۋ, ءسۇت جانە تۇراقتى تىستەردى تەگىستەۋ, سونداي-اق ورتوپانتوموگرافيا كىرەدى.
تۋا ءبىتتى جانە جۇرە پايدا بولعان جاق-بەت ايماعىنىڭ دەفورماتسيالارى بار بالالارعا مەديتسينالىق كومەك ستوماتولوگ دارىگەردىڭ كورسەتىلىمدەرى بويىنشا امبۋلاتوريالىق جاعدايدا نەمەسە ستوماتولوگيالىق جانە جاق-بەت حيرۋرگياسى قىزمەتتەرىن كورسەتەتىن مەديتسينالىق ۇيىمداردا كورسەتىلەدى. وسى اتالعان قىزمەتتەر ءمامس اياسىندا تۇگەل تەگىن ۇسىنىلادى.
