فوتو: استانا قالاسىنىڭ پوليتسيا دەپارتامەنتى
قالالىق پوليتسيا دەپارتامەنتى جۇرگىزۋشىلەرگە اۋا رايىنىڭ قولايسىزدىعىن ەسكەرىپ, جىلدامدىقتى ازايتۋ جانە كولىكتەر اراسىنداعى قاشىقتىقتى ساقتاۋدى ۇسىنادى.
«سونىمەن قاتار كولىكتى قىسقى شينالارسىز پايدالانۋ – بۇل تەك قۇقىق بۇزۋ عانا ەمەس, سونداي-اق جولداردا اۋىر زارداپتارعا اكەلۋى مۇمكىن», دەلىنگەن حابارلامادا.
سينوپتيكتەردىڭ مالىمەتىنشە, تۇنگى ساعاتتاردا قالادا قار جامىلعىسى شامامەن ەكى سانتيمەترگە جەتكەن. تاڭەرتەڭنەن باستاپ استانادا قار تازالاۋ جۇمىستارى توقتاۋسىز جۇرگىزىلىپ جاتىر. قالالىق اكىمدىك التى اۋدان بويىنشا ءۇش مىڭعا جۋىق جۇمىسشى مەن مىڭنان استام ارنايى تەحنيكا جۇمىلدىرىلعانىن مالىمدەدى.
