سوت مالىمەتىنشە, وعان بيلىك وكىلدەرىنە كۇش قولداندى دەگەن ايىپ تاعىلعان. قوسىمشا دەرەكتەر ازىرگە جاريا ەتىلمەدى. تانىمال بالۋان الداعى سوت پروتسەسىنە قاتىسۋ ءۇشىن پاۆلودارداعى تەرگەۋ يزولياتورىنان جەتكىزىلەدى.
«سوتتا شابانباي د.ە.-گە قر قك 380-بابى, 4-ءبولىمى, 1-تارماعى بويىنشا – ەكى جانە ودان دا كوپ بيلىك وكىلدەرىنە كۇش قولدانۋ فاكتىسىمەن ايىپ تاعىلعان قىلمىستىق ءىس قارالىپ جاتىر», دەلىنگەن قۇجاتتا.
سوت شەشىمىمەن سپورتشىنى نەگىزگى تىڭداۋعا قاتىسۋى ءۇشىن پاۆلوداردىڭ قىلمىستىق ىستەر جونىندەگى مامانداندىرىلعان مەجرايوندىق سوتىنا ەتاپتاۋ تۋرالى قاۋلى شىعارىلعان.
اتالعان باپ بويىنشا جازا 3 جىلدان 7 جىلعا دەيىنگى باس بوستاندىعىن شەكتەۋ نەمەسە ايىرۋدى كوزدەيدى.
پاۆلودار وبلىسى دەنە شىنىقتىرۋ جانە سپورت باسقارماسىنىڭ باسشىسى ازامات يماشەۆتىڭ ايتۋىنشا, 42 جاستاعى داۋلەت شابانباي سپورتتىق مانسابىن بەس جىل بۇرىن اياقتاعان. سوڭعى رەت ول قازاقستان چەمپيوناتىنا قاتىسىپ, كۇمىس مەدال جەڭىپ العان.
سپورتشىنىڭ ايتۋلى جەتىستىگى – 2012 جىلعى لوندون وليمپياداسىنىڭ قولا جۇلدەسى. الايدا ول مەدالدى رەسمي تۇردە تەك 2022 جىلى بەلگرادتا العان. ويتكەنى وليمپيادانىڭ ەكى جۇلدەگەرى دوپينگ قولدانعانى ءۇشىن ديسكۆاليفيكاتسيالانىپ, سول كەزدە 120 كگ سالماقتا بەسىنشى ورىن العان قازاقستاندىق سپورتشى ءۇشىنشى ورىنعا كوتەرىلگەن.
