فوتو: kolesa.kz
باس پروكۋراتۋرانىڭ قۇقىقتىق ستاتيستيكا جانە ارنايى ەسەپ كوميتەتى حابارلاعانداي, اكىمشىلىك ىستەردىڭ بىرىڭعاي ءتىزىلىمىن ء(اىبت) پايدالانۋ جۇيەسى وزگەرتىلدى. ەندى پاترۋلدىك قىزمەتكەر جۇيەگە جۇرگىزۋشىنىڭ جسن-ءىن ەنگىزگەن سايىن, ول تۋرالى بارلىق اقپارات اۆتوماتتى تۇردە بازاعا ساقتالادى جانە ونى وشىرۋگە نەمەسە جويۋعا مۇمكىندىك بولمايدى.
بۇل وزگەرىس جۇرگىزۋشىلەردىڭ جەكە دەرەكتەرىن زاڭسىز قاراۋ تۋرالى شاعىمدار كوبەيگەننەن كەيىن ەنگىزىلگەن.
«بۇعان دەيىن كەيبىر پوليتسەيلەر ەراپ ارقىلى ازاماتتاردىڭ تۇرعىلىقتى مەكەنجايى, جۇمىس ورنى مەن تەلەفون نومىرىنە دەيىنگى دەرەكتەرىن كورە الاتىن. ەندى مۇنداي مۇمكىندىك شەكتەلدى», دەپ ءتۇسىندىردى كوميتەت.
جاڭا ەرەجەگە سايكەس, پاترۋلدىك ينسپەكتور جول قوزعالىسى ەرەجەسىن بۇزۋ فاكتىسى ناقتى انىقتالعان جاعدايدا عانا جۇيەگە كىرىپ, حاتتاما تولتىرۋعا نەمەسە ايىپپۇل راسىمدەۋگە قۇقىلى.
