فوتو: freepik.com
قازاقستان تسيفرلانۋدان 30 ەلدىڭ قاتارىندا تۇر
Alem.Cloud پلاتفورماسى – قازاقستان مەن ورتالىق ازياداعى ەڭ وزىق ەسەپتەۋ كەشەنى. ال 103-ءشى ورىنعا تۇراقتاپ, ۇزدىك ناتيجە كورسەتكەن ەكىنشى وتاندىق جۇيە – AI-Farabium.
جالپى الەمدىك تىزىمدە اقش, گەرمانيا, جاپونيا ەلدەرى كوش باستاپ تۇر.
- El Capitan (اقش).
- Frontier (اقش).
- Aurora (اقش).
- JUPITER Booster (گەرمانيا).
- Eagle (اقش).
- Supercomputer Fugaku (جاپونيا).
«IT سالاداعى ەلەۋلى جەتىستىكتەردىڭ ناتيجەسىندە بۇگىندە قازاقستان تسيفرلانۋ دەڭگەيى جوعارى جەتەكشى 30 ەلدىڭ قاتارىندا. بۇل ەلدەگى تسيفرلىق ينفراقۇرىلىمنىڭ جاھاندىق دەڭگەيدەگى ورنىن كورسەتەدى», دەيدى ماماندار.
كەلەشەك ترەندى – جي تەحنولوگيالارى
ساراپشى ابىلايحان تاستانبەكوۆتىڭ ايتۋىنشا, ەلىمىزدىڭ توپ-100 سۋپەركومپيۋتەر قاتارىنا ەنۋى جاقسى كورسەتكىش. بىراق بۇنىمەن توقتاۋعا بولمايدى. سەبەبى جاساندى ينتەللەكت تەحنولوگيالارى كەلەشەك ترەندى.
تۇعىرناما رەسۋرستارى بۇگىندە زاڭدى تۇلعالارعا قولجەتىمدى. اتاپ ايتقاندا, مەملەكەتتىك ورگاندار, عىلىمي جانە ءبىلىم بەرۋ ۇيىمدارى, ستارتاپتار, جەكە كومپانيالار مەن Astana Hub رەزيدەنتتەرى دەرەكتەردى پايدالانا الادى.
قۇرىلعىنىڭ قۋاتى وراسان
ادام ءبىر كىتاپتى شامامەن 7 كۇندە وقىپ تاۋىسادى. ال سۋپەركومپيۋتەر ءبىر اپتادا 500 مىڭ كىتاپتى تالداپ, ارقايسىسىنىڭ مازمۇنىن ايتىپ بەرە الادى. بۇل قۇرىلعىنىڭ زەرتتەۋ جۇرگىزۋدە ءتيىمدى ءارى جىلدام ەكەنىن كورسەتەتىن ەڭ قاراپايىم مىسال.
24.kz-ءتىڭ حابارلاۋىنشا, سۋپەركومپيۋتەردىڭ مەملەكەتتىك قىزمەتكەرلەرگە, كومپانيالار مەن كورپوراتسيالارعا پايداسى وراسان. ءتىپتى كەز كەلگەن ۆيدەونى, كوشەدەگى جول-كولىك وقيعاسىن جۇكتەسەڭىز, بىرەر سەكۋندتا حاتتاما ازىرلەپ, ءارى قاراي نە ىستەۋ كەرەگىن كورسەتەدى.
«بۇل عىلىم, ءوندىرىس, ءبىلىم مەن مەملەكەتتىك باسقارۋدا سەرپىلىس جاسايتىن قۇرال», دەيدى ساراپشىلار.
