قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №78

2015 جىلعى 30 قاڭتار, استانا قالاسى تۋريزم سالاسىنداعى مامانداردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتاردى ايقىنداۋ تۋرالى «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسى زاڭىنىڭ 11-بابى 20-2) تارماقشاسىنا سايكەس بۇيىرامىن: 1. قوسا ۇسىنىلعان تۋريزم سالاسىنداعى مامانداردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتار بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامامەن بەلگىلەنگەن تارتىپتە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-ءمينيسترى ج.م. قاسىمبەككە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ. «كەلىسىلدى» قازاقستان رەسپۋبليكاسىنىڭ ءبىلىم جانە عىلىم ءمينيسترى _________________ ا.ءسارىنجىپوۆ. 2015 جىلعى 2 اقپان «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى _________________ ت.دۇيسەنوۆا. 2015 جىلعى 12 اقپان قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 30 قاڭتارداعى №78 بۇيرىعىمەن بەكىتىلگەن تۋريزم سالاسىنداعى مامانداردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتار تۋريزم سالاسىنداعى مامانداردى كاسىپتىك دايارلاۋعا, قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتار مىنالاردىڭ: 1) ۇيىمنىڭ جارعىسىندا (ەرەجەسىندە) قىزمەتكەرلەردى كاسىپتىك دايارلاۋدى, قايتا دايارلاۋدى جانە ولاردىڭ بىلىكتىلىگىن ارتتىرۋدى تىكەلەي جۇرگىزەتىن ۇيىمدار ءۇشىن كادرلاردى كاسىپتىك دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ جونىندەگى نورمانىڭ; 2) كادرلاردى كاسىپتىك دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ جونىندەگى جۇمىس وقۋ جوسپارلارىنىڭ جانە باعدارلامالارىنىڭ; 3) ءتيىستى كاسىپتەر (ماماندىقتار) بويىنشا وقۋلىقتار مەن وقۋ-ادىستەمەلىك كەشەندەرىنىڭ; 4) وقىتۋ شارتىنىڭ (جۇمىس بەرۋشى مەن وقۋشى اراسىندا تىكەلەي ۇيىمداردا كاسىپتىك دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ شارتتارى تۋرالى جازباشا كەلىسىمنىڭ) نەمەسە ءبىلىم بەرۋ قىزمەتىن كورسەتۋ تۋرالى شارتتىڭ (جۇمىس بەرۋشى مەن تەحنيكالىق جانە كاسىپتىك, ورتا بىلىمنەن كەيىنگى ءبىلىم, جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمى اراسىنداعى كاسىپتىك دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ شارتتارى تۋرالى جازباشا كەلىسىمنىڭ) بولۋىن قامتيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10500 بولىپ ەنگىزىلدى.