قازاقستان رەسپۋبليكاسى ۇكىمەتىنىڭ قاۋلىسى  №454

2015 جىلعى 17 ماۋسىم, استانا, ۇكىمەت ءۇيى «كۇزەت قىزمەتى تۋرالى» قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار تۋرالى» قازاقستان رەسپۋبليكاسى ۇكىمەتىنىڭ 2002 جىلعى 5 ساۋىردەگى  № 407 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «كۇزەت قىزمەتى تۋرالى» قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار تۋرالى» قازاقستان رەسپۋبليكاسى ۇكىمەتىنىڭ 2002 جىلعى 5 ساۋىردەگى № 407 قاۋلىسىنا مىناداي وزگەرىستەر ەنگىزىلسىن: 1-تارماق مىناداي رەداكتسيادا جازىلسىن: «1. قوسا بەرىلىپ وتىرعان كۇزەت قىزمەتى سۋبەكتىلەرى جۇمىسكەرلەرىنىڭ پايدالانۋىنا ارنالعان ارناۋلى قۇرالداردىڭ تىزبەسى بەكىتىلسىن.»; كورسەتىلگەن قاۋلىمەن بەكىتىلگەن جەكە كۇزەت ۇيىمدارى پايدالاناتىن ارناۋلى قورعاۋ قۇرالدارى مەن ارناۋلى تەحنيكالىق قۇرالداردىڭ تىزبەسى وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 17 ماۋسىمداعى № 454 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2002 جىلعى 5 ساۋىردەگى № 407 قاۋلىسىمەن بەكىتىلگەن كۇزەت قىزمەتى سۋبەكتىلەرى جۇمىسكەرلەرىنىڭ پايدالانۋىنا ارنالعان ارناۋلى قۇرالداردىڭ تىزبەسى 1. رەزەڭكە تاياقشالار. 2. ينكاسساتسيا مەن قۇندىلىقتاردى تاسىمالداۋعا ارنالعان بروندى ماشينالار. 3.1- 5-قورعاۋ سىنىپتارىنداعى قورعاۋ كەۋدەشەلەرى. 4. 1 - 3-قورعاۋ سىنىپتارىنداعى قورعاۋ شلەمدەرى. 5. قول كىسەندەرى. 6. قارۋلاردى, جارىلعىش زاتتار مەن قۇرىلعىلاردى انىقتايتىن دەتەكتورلار. 7. راديواكتيۆتى, حيميالىق جانە وزگە دە ۋلاعىش زاتتاردى انىقتايتىن دەتەكتورلار. 8. كۇزەت, دابىل سيگناليزاتسياسى جۇيەلەرى. 9. ءوتۋدى باقىلاۋ جۇيەسى. 10. قوسارلى قولدانىلاتىن تەحنيكاعا جاتپايتىن تەلەۆيزيالىق بەينەباقىلاۋ جانە بەينەكۇزەت جۇيەلەرى. 11. حابار بەرۋ, ونىڭ ىشىندە راديوارنالار ارقىلى حابار بەرۋ جۇيەلەرى. ەسكەرتپەلەر: 1. رەزەڭكە تاياقشالاردى قولدانۋ كەزىندە ولارمەن قۇقىق بۇزۋشىلاردىڭ باسىنا, موينىنا جانە بۇعانا تۇسىنا, ءىشى مەن جىنىس ورگاندارىنا سوققى بەرۋگە تىيىم سالىنادى. 2. تىزبە جەكە كۇزەت ۇيىمدارىنا عانا قولدانىلادى.