سەنات ەنگىزگەن تۇزەتۋلەر اياسىندا وڭىرلەرگە بەرىلەتىن سۋبۆەنتسيالار كولەمى 17,5 ملرد تەڭگەگە ۇلعايتىلدى. سونىمەن قاتار 2026 جىلى وڭىرلەردى دامىتۋعا قوسىمشا 28,5 ملرد تەڭگە باعىتتالادى. بۇل قارجى جىلۋ جانە ەلەكتر ەنەرگياسى سالالارىن, گازبەن جابدىقتاۋدى, جاعالاۋدى نىعايتۋ جۇمىستارىن جانە باسقا دا باعىتتاردى قامتيدى.
بۇل تۇزەتۋلەر رەسپۋبليكالىق بيۋدجەت جوباسى پارامەترلەرىنىڭ تەڭگەرىمدىلىگىن بۇزبايدى جانە وڭىرلەر مەن ەكونوميكانىڭ تۇراقتى دامۋىنا باعىتتالعان.
ايتا كەتەيىك, بۇعان دەيىن ءماجىلىس «قازاقستان رەسپۋبليكاسىنداعى بانكتەر جانە بانك قىزمەتى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارجى نارىعىن رەتتەۋ جانە دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن ەكىنشى وقىلىمدا قابىلداعان ەدى.
