بيىلعى قاڭتار-قازان ايلارىندا 622 مىڭ توننا كۇنباعىس مايى ءوندىرىلدى. بۇل 2024 جىلدىڭ سايكەس كەزەڭىمەن سالىستىرعاندا 22,4%-عا كوپ. ءبىر جىل بۇرىن ءوسىم 18,5% بولعان ەدى.
ءوندىرىستىڭ 488,6 مىڭ تونناسى تازارتىلماعان كۇنباعىس مايىنا تيەسىلى. ال تازارتىلعان ماي ءوندىرىسى 133,5 مىڭ توننانى قۇراپ, ءبىر جىلدا 15,2%-عا ارتتى.
ەلدەگى زاۋىتتار ىشكى نارىق پەن ەكسپورتتى قوسا ەسەپتەگەندە سۇرانىستىڭ 84,1%-ىن قامتاماسىز ەتتى (2024 جىلدىڭ وسى كەزەڭىندە 87%). يمپورت ۇلەسى 13%-دان 15,9%-عا ءوستى, ال كولەمى بىردەن 59,3%-عا كوبەيىپ, 98,8 مىڭ تونناعا جەتتى.
كۇنباعىس مايىنىڭ ەكسپورتى دا ارتتى. بيىلعى قاڭتار-تامىزدا ول 47%-عا ءوسىپ, 444,3 مىڭ توننا بولدى. ىشكى نارىقتاعى وتكىزۋ كولەمى بار بولعانى 1,6%-عا ءوسىپ, 178,4 مىڭ توننانى قۇرادى.
حالىق تۇتىنۋ كولەمى دە ۇلعايدى. بيىلعى قاڭتار-ماۋسىمدا ءاربىر قازاقستاندىق ورتا ەسەپپەن 7 ليتر كۇنباعىس مايىن تۇتىندى. بۇل 2024 جىلدىڭ العاشقى جارتىجىلدىعىمەن سالىستىرعاندا 1,7%-عا كوپ. بۇعان دەيىن, كەرىسىنشە, تۇتىنۋ 2,1%-عا ازايعان ەدى.
2025 جىلدىڭ قازان قورىتىندىسى بويىنشا كۇنباعىس مايى ءبىر ايدا 0,2%-عا قىمباتتادى. ايتا كەتسەك, قىركۇيەكتە ءوسىم 1,2% بولسا, 2024 جىلدىڭ قازانىندا 2,4% بولعان. كۇنباعىس مايىنىڭ باعاسى 15 اي قاتارىنان ۇزدىكسىز ءوسىپ كەلەدى. ەڭ ەلەۋلى قىمباتتاۋ بيىلعى قاڭتاردا تىركەلىپ, بىردەن 3,9%-عا قىمباتتاعان.
بارلىق وڭىردە باعا كوتەرىلگەن. ەڭ جوعارى قىمباتتاۋ قاراعاندى وبلىسىندا (34,2%), اقتوبە وبلىسىندا (33%), ۇلىتاۋ وبلىسىندا (33%) تىركەلگەن.
ەڭ تومەن ءوسىم استانادا (16,9%), سونداي-اق تۇركىستان (18%) جانە اقمولا (18,7%) وبلىستارىندا تىركەلدى.
2025 جىلدىڭ قازان ايىندا 1 ليتر كۇنباعىس مايىنىڭ ورتاشا بولشەك باعاسى – 847 تەڭگە بولدى.
ەڭ قىمبات باعا كەلەسى قالالاردا بايقالدى:
-
جەزقازعان – 945 تگ
-
اقتاۋ – 908 تگ
-
الماتى – 903 تگ
-
استانا – 901 تگ
-
قوناەۆ – 900 تگ
ماي باعاسى ارزان ساتىلعان قالالار:
-
تۇركىستان – 769 تگ
-
شىمكەنت – 773 تگ
-
كوكشەتاۋ – 792 تگ
