فوتو: freepik.com
قىزمەتتەر كولەمى ارتقان
مەديتسينالىق كومەكتەگى ونلاين-قىزمەتتەردىڭ ۇلەسى جوسپارلانعان 7%-دىڭ ورنىنا 8,65% بولدى. ەمحانالارداعى جۇكتەمەنى ازايتۋعا مۇمكىندىك بەردى.
قىزمەتتەر كولەمىنىڭ ارتۋىنا – مەيىرگەرلەرگە بىرقاتار فۋنكتسيالاردى كەڭەيتىلگەن تۇردە باعىتتاۋ, قابىلداۋعا قاشىقتىقتان الدىن الا جازىلۋ جۇيەسىن ىسكە قوسۋ, «جوسپارلانعان قابىلداۋ» جۇيەسى ارقىلى پاتسيەنت مارشرۋتىن وڭتايلاندىرۋ سەكىلدى جاڭا تەتىكتەردىڭ ەنگىزىلۋى ىقپال ەتتى. ناتيجەسىندە كەزەكتەر قىسقارىپ, ەمحانالارعا قاجەتسىز بارۋ ازايدى – كومەك جىلدامىراق ءارى قولجەتىمدى بولدى.
اۋىلدىق جەرلەر تىس قالعان جوق
اۋىل جانە شالعاي ايماق تۇرعىندارىنا ەرەكشە كوڭىل ءبولىنىپ وتىر. بيىل 8 وڭىردەگى 100 مەديتسينا ۇيىمىن قامتىعان «ونلاين-مەديتسينا» پيلوتتىق جوباسى باستالدى. ەندى بەيىندى ماماندار جوق ەلدى مەكەندەردىڭ وزىندە دارىگەرلەردىڭ كونسۋلتاتسياسىن الۋ مۇمكىندىگى بار.
تسيفرلىق تەحنولوگيالار مەديتسينا قىزمەتكەرلەرىنە دە ءتيىمدى
مەديتسينالىق اقپاراتتىق جۇيەلەردى ينتەگراتسيالاۋ جانە جاساندى ينتەللەكتىنى قولدانۋ مىناداي ناتيجەلەر بەردى:
- ەلەكتروندىق رەتسەپتتەردى راسىمدەۋ ۋاقىتى 60% قىسقاردى;
- جۇكتى ايەل كارتاسىن تولتىرۋ ۋاقىتى 40% ازايدى.
مينيسترلىك جىل سوڭىنا دەيىن تسيفرلىق دەنساۋلىق ساقتاۋدى ودان ءارى دامىتۋ ءۇشىن نەگىزگى پلاتفورما – بىرىڭعاي مەديتسينالىق دەرەكتەر قويماسىن قۇرۋدى اياقتاۋدى جوسپارلاپ وتىر.
