فوتو: ەڭبەك جانە الەۋمەتتىك قورعاۋ مينيسترلىگى
مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تاۋەكەلدەر تۋىنداعان جاعدايدا ماسق-دان الەۋمەتتىك تولەمدەر جۇزەگە اسىرىلادى. ماسەلەن, 2025 جىلعى 1 قاراشاداعى جاعداي بويىنشا 99,1 مىڭ ادام ەڭبەك ەتۋ قابىلەتىنەن ايىرىلۋ بويىنشا الەۋمەتتىك تولەم, ال 67,1 مىڭعا جۋىق وتباسى اسىراۋشىسىنان ايىرىلۋ بويىنشا الەۋمەتتىك تولەم العان.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, تولەمدەردىڭ مولشەرى مىنالارعا بايلانىستى: سوڭعى 2 جىلداعى ماسق-عا الەۋمەتتىك اۋدارىمدار جۇرگىزىلگەن ورتاشا ايلىق تابىس, ەڭبەككە قابىلەتتىلىگىنەن ايىرىلۋ كوەففيتسيەنتتەرى, اسىراۋىنداعى ادامدار سانى, مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى اۋىستىرۋ.
بۇل تولەمدەر رەسپۋبليكالىق بيۋدجەتتەن تولەنەتىن ۇقساس جاردەماقىلارعا قوسىمشا جۇزەگە اسىرىلادى.
مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى 2025 جىلعى 1 قاڭتاردان باستاپ ەڭ تومەن كۇنكورىس دەڭگەيىنىڭ ۇلعايۋىنا بايلانىستى 6,5% - عا ءوستى. ۇكىمەتتىڭ شەشىمى بويىنشا ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا ماسق-دان تولەنەتىن تولەمدەردىڭ مولشەرى دە 6,5% - عا ارتقان.
ماسەلەن, وسى جىلى جالپى اۋرۋدان مۇگەدەكتىگى بويىنشا ءماج مولشەرى 1-توپ ءۇشىن – 101 702 تەڭگەنى, 2-توپ ءۇشىن – 81 362 تەڭگەنى, 3-توپ ءۇشىن – 55 474 تەڭگەنى قۇراپ وتىر.
1 قاراشاداعى جاعداي بويىنشا ەڭبەككە قابىلەتتىلىگىنەن ايىرىلۋ بويىنشا الەۋمەتتىك تولەمدەردىڭ ورتاشا مولشەرى 72 003 تەڭگەنى, اسىراۋشىسىنان ايىرىلۋ بويىنشا – 75 537 تەڭگەنى قۇرايدى.
