بۇل – ءوڭىر ءۇشىن جاڭا حالىقارالىق باعىت, ەندى تۇرعىندار ەۋروپاعا ەش كىدىرىسسىز, تىكە جەتە الادى.
ۇشاق بيلەتتەرىنىڭ باعاسى جاريالاندى: ەكونوم-كلاسس 528 اقش دوللارى (283 مىڭ تەڭگە), ال پرەميۋم-كلاسس 1210 اقش دوللارى (648 مىڭ تەڭگە) شاماسىندا.
العاشقى كەزەڭدە رەيستەر اپتاسىنا ءبىر رەت ورىندالادى: جۇما كۇنى اتىراۋدان, ال دۇيسەنبى كۇنى ميلاننان كەرى ۇشىپ شىعادى. كەيىنىرەك كومپانيا جيىلىكتى ارتتىرىپ, اپتاسىنا ەكى رەيسكە دەيىن جەتكىزۋدى جوسپارلاپ وتىر.
جاڭا باعىتتىڭ اشىلۋىنا يتاليان-قازاق ساۋدا پالاتاسى قولداۋ كورسەتىپ, ەكى ەل اراسىنداعى ىسكەرلىك بايلانىستاردى نىعايتۋعا ۇلەس قوستى. جاڭا باعىت ىسكەرلىك بايلانىستاردى جەڭىلدەتىپ, ەكى ەل اراسىنداعى ساپارلاردى ىڭعايلى ەتپەك, دەپ بولجانىپ وتىر.
اتىراۋ ءۇشىن بۇل – ميلانعا اشىلعان العاشقى تىكەلەي اۋە قاتىناسى. جاڭا باعىت ءوڭىر تۇرعىندارىنىڭ ساياحات مۇمكىندىكتەرىن كەڭەيتسە, بيلەت باعاسى قازىردىڭ وزىندە جەرگىلىكتى حالىق اراسىندا باستى تالقىلاۋ تاقىرىبىنا اينالدى.
