زاڭ مەن ءتارتىپ • 21 قاراشا, 2025

«زاڭ جانە ءتارتىپ»: ەلوردالىق ستۋدەنتتەر تسيفرلىق ساۋاتتىلىق ساباعىن ءوتتى

1 مين

وقۋ ءۇشىن

«زاڭ جانە ءتارتىپ» قاعيداتى اياسىندا Astana International University ستۋدەنتتەرى ءۇشىن تسيفرلىق قاۋىپسىزدىك بويىنشا ساباقتار ۇيىمداستىرىلدى, دەپ حابارلايدى ەلوردا اكىمدىگىنىڭ رەسمي سايتى.

شىڭعىس مۇقاەۆ

«زاڭ جانە ءتارتىپ»: ەلوردالىق ستۋدەنتتەر تسيفرلىق ساۋاتتىلىق ساباعىن ءوتتى

ساباقتاردى استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى جۇرگىزدى. نەگىزگى ماقسات – جاستارعا جەكە دەرەكتەرمەن ساۋاتتى جۇمىس ىستەۋدى ۇيرەتۋ جانە ينتەرنەتتەگى جالعان اقپاراتتى تانۋ داعدىلارىن قالىپتاستىرۋ.

دەپارتامەنت قىزمەتكەرى ستۋدەنتتەرگە تسيفرلىق گيگيەنا ۇعىمىن تۇسىنىكتى ءارى قولجەتىمدى تۇردە ءتۇسىندىردى. ونىڭ ايتۋىنشا, تسيفرلىق گيگيەنا – ينتەرنەتتە قاۋىپسىز ارەكەت ەتۋگە ارنالعان ەرەجەلەر جيىنتىعى, ول ءوزىڭدى جانە جەكە دەرەكتەرىڭدى قورعاۋعا كومەكتەسەدى. بۇل, اسىرەسە, جاستار ءۇشىن ماڭىزدى, ويتكەنى ولار جەلىدەگى بارلىق قاۋىپ-قاتەردى ءاردايىم تولىق باعامداي بەرمەيدى.

تسيفرلىق گيگيەنەنى ۇيرەنۋ – ناقتى ومىردەگى قارجىلىق قاۋىپسىزدىك نەگىزدەرىن مەڭگەرۋمەن بىردەي ماڭىزدى.

ساباق بارىسىندا ستۋدەنتتەر ديپفەيكتەردىڭ قالاي جاسالاتىنىن, ولاردىڭ بوپسالاۋ, قارجىلىق الاياقتىق جانە جالعان اقپارات تاراتۋ سحەمالارىندا قالاي قولدانىلاتىنىن ءبىلدى. سونىمەن قاتار ينتەرنەتتەگى قاۋىپسىز مىنەز-ق ۇلىق قاعيدالارى, جەكە دەرەكتەردى قورعاۋ تاسىلدەرى, فيشينگ, ونلاين الاياقتىق جانە دەرەكتەردىڭ تارالۋى سياقتى وزەكتى قاتەرلەر جايلى اقپارات الدى.

ءىس-شارا بەلسەندى جانە ينتەراكتيۆتى فورماتتا ءوتتى: ستۋدەنتتەر سۇراقتارىن قويىپ, جاۋاپ الدى, سونداي-اق تسيفرلىق قاۋىپسىزدىككە قاتىستى پراكتيكالىق كەڭەستەر تىڭدادى.

مۇنداي كەزدەسۋلەر جاستاردىڭ ءتۇرلى الاياقتىق تۇرلەرىنە قارسى يممۋنيتەتىن كۇشەيتىپ, ولاردىڭ تسيفرلىق جانە قارجىلىق قاۋىپسىزدىگىن ارتتىرۋعا ىقپال ەتەدى.