بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز جيىنىندا اباي وبلىسى ءبىلىم باسقارماسىنىڭ باسشىسى باۋىرجان ەردەمبەكوۆ ايتىپ بەردى.
– اباي وبلىسىندا ءوڭىر باسشىسىنىڭ باستاماسىمەن مەكتەپكە دەيىنگى جانە ورتا ءبىلىم بەرۋ ينفراقۇرىلىمىن دامىتۋ باعىتىندا جۇيەلى جۇمىس اتقارىلىپ جاتىر. وڭىردە 177 بالاباقشا, 191 شاعىن ورتالىق جۇمىس ىستەيدى. قازىرگى تاڭدا 3,9 مىڭنان استام بالا كەزەكتە تۇر, ونىڭ ىشىندە 2-6 جاس ارالىعىندا – 758 بالا. ورىن تاپشىلىعىن ازايتۋ ماقساتىندا بيىل 5 جەكەمەنشىك بالاباقشا اشىلىپ, ماقانشىدا سالىناتىن 140 ورىندىق بالاباقشانىڭ قۇجاتتارى ازىرلەنىپ جاتىر, – دەدى باسقارما باسشىسى.
ونىڭ مالىمەتىنشە, اباي وبلىسىندا قازىر 311 مەكتەپ جۇمىس ىستەپ تۇر. جالپى وڭىردە 2025–2026 وقۋ جىلىندا 100,6 مىڭ وقۋشى ءبىلىم الادى.
– سونداي-اق سەمەي قالاسىنىڭ وڭ جاق شىعىس كەنتىندە 300 ورىندىق مەكتەپتىڭ قۇرىلىسى جۇرگىزىلىپ جاتىر. سۋىقبۇلاقتا 100 ورىندىق ءبىلىم وشاعىنىڭ قۇرىلىسى باستالىپ, ەكپىن جانە سەمەي قالالارىندا 300 ورىندىق مەكتەپتەردىڭ جوبالارى ازىرلەنۋ ۇستىندە. «قازاقستان حالقىنا» قورى ارقىلى 36 مەكتەپكە 58 جاڭا كابينەت ورناتىلىپ, 4 مەكتەپكە (جاڭاسەمەي, ماقانشى, كۋرچاتوۆ, ءۇرجار) ارقايسىسىنا 250 ملن تەڭگەگە وقۋ كابينەتتەرى مەن جيھازدار ساتىپ الىندى. ايتا كەتەيىك, سەمەي قالاسىنداعى 500 ورىندىق وقۋشىلار سارايىنىڭ قۇرىلىسى جەلتوقسان ايىندا اياقتالىپ, ەل يگىلىگىنە بەرىلەدى, – دەيدى ب.ەردەمبەكوۆ.
اباي وبلىسى
