سەناتورلار قۇجات ماكروەكونوميكالىق تۇراقتىلىقتى ساقتاۋ جانە بيۋدجەت شىعىندارىن راتسيونالدى پايدالانۋ ماقساتىندا ازىرلەنگەنىن اتاپ ءوتتى. دەپۋتاتتار كەيبىر باپتارعا كەلىسپەي, وزگەرىستەر مەن قوسىمشالار ەنگىزۋدى ۇسىندى.
سونىڭ ىشىندە قاراستىرىلعان قاراجاتتار:
-
جىلۋ جۇيەسىن دامىتۋعا – 37,9 ملرد تەڭگە, ونىڭ ىشىندە 2026 جىلعا – 9,8 ملرد تەڭگە;
-
جىلۋ جانە ەلەكتروەنەرگەتيكانى دامىتۋعا – جالپى 7,7 ملرد تەڭگە, 2026 جىلعا – 4,7 ملرد تەڭگە;
-
سۋ رەسۋرستارىنا – جالپى 8,9 ملرد تەڭگە, 2026 جىلعا – 2,3 ملرد تەڭگە;
-
گاز تاسىمالداۋ جۇيەسىن دامىتۋعا 2026 جىلى – 5,5 ملرد تەڭگە;
-
جاعالاۋ بەكىتۋ جۇمىستارىنا 2026 جىلى – 2,2 ملرد تەڭگە;
-
ونەركاسىپ سالالارىن دامىتۋعا 2026 جىلى – 1,5 ملرد تەڭگە.
«زاڭدى تالقىلاۋ بارىسىندا تۇراقتى كوميتەتتەر مەن دەپۋتاتتاردان 77 ۇسىنىس ءتۇستى, ولاردىڭ 76-سىن قولداپ, سالىستىرمالى كەستەگە ەنگىزدىك. ۇشجىلدىق كەزەڭگە قوسىمشا قاراجاتتىڭ جالپى سوماسى – 91 ملرد تەڭگە, ونىڭ ىشىندە 2026 جىلعا – 50 ملرد تەڭگە. شىعىنداردىڭ ءوسۋى ۇكىمەت رەزەرۆى مەن قارىزدى قىزمەت كورسەتۋ ەسەبىنەن جۇزەگە اسىرىلادى», دەدى سەناتور سۇلتانبەك ماكەجانوۆ.
سونىمەن قاتار, سەنات «2026–2028 جىلدارعا رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالالار مەن استانا اراسىنداعى جالپى ترانسفەرت كولەمدەرى تۋرالى» زاڭنىڭ جەكە باپتارىن ماقۇلداعان جوق. دەپۋتاتتار الەۋمەتتىك, ينجەنەرلىك جانە كولىك ينفراقۇرىلىمىن دامىتۋعا, باستالعان جانە جالعاسىپ جاتقان جوبالاردى اياقتاۋعا ترانسفەرتتەر كولەمىن 17,5 ملرد تەڭگەگە ۇلعايتۋدى ۇسىندى.
