فوتو: ombudsmanbiz.kz
ۇسىنىس حاتتا ايتىلعانداي, بۇل شەگەرىمدەرگە تىيىم سالۋ جالپىعا بىردەي بەلگىلەنگەن سالىق رەجيمى سۋبەكتىلەرى ءۇشىن شاعىن بيزنەس وكىلدەرىمەن ىنتىماقتاستىقتى ەكونوميكالىق تۇرعىدا ءتيىمسىز ەتەدى. ال اسر قولداناتىن كاسىپورىنداردىڭ 70%-ىنىڭ جالپىعا بىردەي بەلگىلەنگەن سالىق رەجيمى بولجامدى تۇردە اۋىسۋى بۋحگالتەرلەردىڭ كوپ مارتە جەتىسپەۋشىلىگى جاعدايىندا سالىق ەسەبىندە تەحنيكالىق «جاپپاي كۇيرەۋگە» جانە كاسىپورىنداردىڭ جابىلۋىنا اكەلۋى مۇمكىن.
حاتتا سالىقتىق شەگەرىمدەرگە تىيىم سالۋ قۇقىقتىق قاعيداتتاردى بۇزاتىنى اتاپ وتىلەدى.
«بىرىنشىدەن,ء بىر مامىلە بويىنشا سالىقتىق جۇكتەمەنىڭ نەگىزسىز ەكى ەسەلەنەدى (ساتۋشى – اسر سۋبەكتىسى رەتىندە اينالىمنان الىناتىن 4% قۇرامىندا كورپوراتيۆتىك تابىس سالىعىن دا تولەيدى, ال جالپىعا بىردەي بەلگىلەنگەن سالىق رەجيمى سۋبەكتىسى – ساتىپ الۋشى وسى مامىلە بويىنشا سالىق سالىناتىن تابىستى ەسەپتەۋ كەزىندە سالىقتىق شەگەرىم قۇقىعىنان ايىرىلادى).
ەكىنشىدەن, سالىقتىق شەگەرىمدەرگە قابىلداۋعا تىيىم سالىنعان شىعىستار –بيزنەس سالىق سالىناتىن تابىستى ەسەپتەۋ كەزىندە قاي سالىق رەجيمىندە جۇمىس ىستەيتىنىنە قاراماستان, كونتراگەنتتەردىڭ مارتەبەسىنە تاۋەلسىز تۇردە شەگەرىمگە جاتقىزا الاتىن ناقتى جۇمسالعان شىعىندار بولىپ تابىلادى.
ۇشىنشىدەن, شاعىن بيزنەسكە قاتىستى سالىق سالۋ رەجيمىنە بايلانىستى نەگىزسىز تەرىس كەمسىتۋشىلىك زاڭنامانىڭ ەڭ جوعارى دەڭگەيىندە ەنگىزىلىپ وتىر», دەلىنگەن حاتتا.
اتالعان حاتتا سالىقتىق اكىمشىلەندىرۋدىڭ بالاما تەتىكتەرى جونىندەگى كاسىپكەرلەر قاۋىمداستىعىنىڭ ۇسىنىستارى دا جولدانعان.
«التەرناتيۆتى شارالاردى ىسكە اسىرۋ جانە/نەمەسە بيزنەسكە شارتتار مەن وپەراتسيالىق مودەلدەردى تۇزەتۋ ءۇشىن جەتكىلىكتى ۋاقىت بەرۋ ماقساتىندا شەگەرىمدەرگە تىيىم سالۋ نورماسىن كەمىندە 18 اي مەرزىمگە كەيىنگە قالدىرىپ ەنگىزۋ تۋرالى زاڭ جوباسىن باستامالاۋ قاجەت», دەپ ۇسىنىس بىلدىرگەن قانات نۇروۆ.
سەنات توراعاسىنا جولدانعان ۇسىنىس حاتتىڭ تولىق نۇسقاسى مىنا سىلتەمەدە تۇر.
