فوتو: بقو پد
17 قاراشا كۇنى چاپاي – جاڭاقالا – سايقىن وبلىستىق ماڭىزى بار اۆتوجولدىڭ 50-شاقىرىمىندا Toyota Camry مەن Volkswagen Sharan اۆتوكولىكتەرى سوقتىعىسىپ, ءبىر كولىك ورتەندى.
وقيعا سالدارىنان سەگىز ادام قازا تاۋىپ, تاعى تورتەۋى اۋرۋحاناعا جەتكىزىلدى. «وسى وقيعا بويىنشا قىلمىستىق ءىس قوزعالدى. الدىن الا بولجام بويىنشا جۇرگىزۋشىنىڭ ءبىرى جولدىڭ قارسى باعىتىنا شىعىپ كەتكەن بولۋى مۇمكىن», دەيدى بقو پوليتسيا دەپارتامەنتى باستىعىنىڭ ورىنباسارى ەرنار سۇلتانعاليەۆ.
«اۋا رايى قالىپتى جانە جول جابىندىسىنىڭ جاعدايى قاناعاتتانارلىق بولعان, كورىنىس جاقسى, قوزعالىسقا سىرتقى كەدەرگىلەر بولماعان. وقيعا ورنىندا ءتارتىپ ساقشىلارى, جەدەل تەرگەۋ توبى جانە تج دەپارتامەنتىنىڭ قىزمەتكەرلەرى جۇمىس ىستەپ جاتىر. جول اپاتىنىڭ تولىق ءمان-جايى تەرگەۋ اياسىندا انىقتالادى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قازىر وقيعا ورنىنا پوليتسيا قىزمەتكەرلەرى, جەدەل-تەرگەۋ توبى جانە توتەنشە جاعدايلار دەپارتامەنتىنىڭ قىزمەتكەرلەرى بارىپ, انىقتاۋ جۇمىسىن جۇرگىزىپ جاتىر.
وبلىستىق دەنساۋلىق ساقتاۋ باسقارماسى جاراقات العان 4 ناۋقاستىڭ دا جاعدايى ورتاشا دەڭگەيلى اۋىر ەكەنىن, اقجايىق اۋداندىق اۋرۋحاناسىنا جەتكىزىلگەنىن حابارلادى. ولارعا مەديتسينالىق تەكسەرۋ جۇرگىزىلىپ, ەم جاسالىپ جاتىر
