فوتو: دەنساۋلىق ساقتاۋ مينيسترلىگى
بۇگىندە ەمحانالاردا 660 جەدەل جاردەم بولىمشەسى اشىلعان, ولار 73,2% دارىگەرلەرمەن, 100% مەيىرگەرلەرمەن جانە فەلدشەرلەرمەن قامتىلعان, تيىسىنشە ەمدەلۋشىلەرگە قاجەتتى كومەك كورسەتۋگە دايىن.
دەنساۋلىق ساقتاۋ مينيسترلىگىنىڭ مالىمەتىنشە, بيىلدان باستاپ شۇعىل مەديتسينالىق كومەك كورسەتۋ مىندەتى (ساعات 8:00-20:00 ارالىعى) حالىق تىركەلگەن ەمحاناداعى مەديتسينالىق-سانيتاريالىق العاشقى كومەك (مساك) ۇيىمدارىنا جۇكتەلدى. اتالعان قىزمەتتى تولىق قامتۋ ءۇشىن 995 ءموبيلدى بريگادا جۇمىس ىستەپ جاتىر. بۇل – جەدەل جاردەم قىزمەتتەرىن ەداۋىر جەڭىلدەتەدى جانە ۇيدەگى قوڭىراۋلارعا قىزمەت كورسەتۋدى تەزدەتەدى.
جيىنتىقتا بارلىق وزگەرىستەر مساك دارىگەرلەرىنىڭ قولجەتىمدىلىگىن ارتتىرۋعا جانە قابىلداۋدى كۇتۋ مەرزىمىن 2-3 كۇنگە دەيىن قىسقارتۋعا باعىتتالعان.
سالا مينيسترلىگى مەديتسينالىق-سانيتاريالىق العاشقى كومەكتىڭ جاڭارتىلعان ستاندارتىن بەكىتتى. نەگىزگى وزگەرىس –جالپى پراكتيكا دارىگەرىنىڭ (جپد) جۇمىس كۇنىنىڭ جاڭا ەرەجەسى. جپد-ءنىڭ جۇمىس كۇنى قازىر 8 ساعاتتى قۇرايدى: 6 ساعات – ەمدەلۋشىلەردى قابىلداۋ, 2 ساعات – قۇجاتتامانى راسىمدەۋ جانە جوسپارلى ساپارلار.
بۇل رەجيم قابىلداۋ ساپاسىن ارتتىرۋعا جانە دارىگەرلەرگە جۇكتەمەنى ازايتۋعا مۇمكىندىك بەرەدى. 2027 جىلعا قاراي بارلىق مساك ۇيىمدارى جالپى پراكتيكا قاعيداتتارىنا كوشەدى. تەراپەۆتتەر مەن پەدياترلار ءموبيلدى جانە مۋلتيديستسيپلينالىق توپتاردىڭ قۇرامىنا كىرەتىن بەيىندى ماماندار رەتىندە جۇمىس ىستەيتىن بولادى.
