فوتولار: تجم
مەملەكەتتىك ماتەريالدىق رەزەرۆتەن قاجەتتى ءدارى-دارمەكتەر, مەديتسينالىق قۇرالدار, توسەك-جابدىقتار, شاتىرلار جانە وزگە دە ءبىرىنشى كەزەكتەگى قاجەتتى زاتتار ءبولىندى. سونىمەن قاتار دەنساۋلىق ساقتاۋ مينيسترلىگى زارداپ شەككەندەرگە بىلىكتى كومەك كورسەتۋ ءۇشىن مەديتسينالىق قىزمەتكەرلەر توبىن جاساقتاپ جونەلتتى.
توتەنشە جاعدايلار مينيسترلىگىنىڭ ءباسپاسوز قىزمەتىنىڭ مالىمدەۋىنشە, گۋمانيتارلىق جۇكتىڭ قۇرامىنا جالپى سالماعى 18 توننا بولاتىن 34 اتاۋ ەنگىزىلدى. جۇك ەلىمىزدىڭ قورعانىس مينيسترلىگىنىڭ ۇشاعىمەن جەتكىزىلىپ, گۋمانيتارلىق كومەك اۋعان تاراپىنا تابىستالدى.
تجم اسكەري ءبولىمىنىڭ قىزمەتكەرلەرى مەن اسكەري قىزمەتشىلەرى تيەۋ جانە ءتۇسىرۋ جۇمىستارىن جۇرگىزىپ, جۇكتىڭ جەدەل دايىندالۋى مەن جونەلتىلۋىن قامتاماسىز ەتتى.
گۋمانيتارلىق كومەك «KazAID» قازاقستاندىق حالىقارالىق دامۋ اگەنتتىگىنىڭ قولداۋىمەن كورسەتىلدى.
