Astanovka باسىلىمىنىڭ مالىمەتىنشە, ەلوردادا ليفت جوندەۋ كەزىندە ءۇش تەحنيك-جۇمىسشىنىڭ ۇستىنە قۇلاپ, بىرەۋى قازا تاپتى, تاعى ەكەۋى جارالاندى.
وقيعا «ارىستان» تۇرعىن ءۇي كەشەنىندە بولعان.
تۇرعىنداردىڭ مالىمەتىنشە, ءبىر ادام وقيعا ورنىندا كوز جۇمعان, ەكەۋى جاراقات العان.
تۇرعىندار كەشەن پايدالانۋعا بەرىلگەن العاشقى كۇننەن باستاپ جارامسىز ليفتىلەر ماسەلەسى بولعانىن ايتادى: ادامدار ءجيى كەپتەلىپ قالاتىن, ءليفتتىڭ قۇلاۋ جاعدايلارى دا بىرنەشە رەت قايتالانعان.
وقىرمانداردىڭ جازۋىنشا, بۇل «ەلوردا قۇرىلىس كومپانياسى» اكىمدىكپەن بىرلەسىپ سالعان نىسان.
استانا اكىمدىگى مەن قوعامدىق دەنساۋلىق ساقتاۋ باسقارماسى تولەباەۆ كوشەسىندە جوندەۋ جۇمىستارى كەزىندە بولعان قايعىلى وقيعا سالدارىنان ءبىر قىزمەتكەردىڭ كوز جۇمعانىن راستادى.
- ەكى قىزمەتكەر №1 كوپسالالى قالالىق اۋرۋحاناعا جەتكىزىلدى. ءبىر پاتسيەنتتىڭ جاعدايى ورتاشا اۋىر دەپ باعالانسا, ەكىنشىسىنىڭ جاعدايى اۋىر. ءبىر پاتسيەنت انەستەزيولوگيا, رەانيماتسيا, جانساقتاۋ بولىمىندە, ەكىنشىسى جاراقات بولىمىندە جاتىر. ولارعا بارلىق قاجەتتى مەديتسينالىق كومەك كورسەتىلۋدە, - دەلىگەن حابارلامادا.
