قالاداعى مۇقان تولەباەۆ كوشەسى, 5 مەكەنجايىنداعى «ارىستان» تۇرعىن ءۇي كەشەنىندە اپات بولىپ, ءبىر ليفت قىزمەتكەرى وقيعا ورنىندا قازا تاپتى.
«استانا قالاسىنىڭ قوعامدىق دەنساۋلىق باسقارماسى مالىمەتىنشە, تاعى ەكى قىزمەتكەر قالالىق كوپسالالى №1 اۋرۋحاناعا جەتكىزىلگەن. ءبىر ادامنىڭ جاعدايى ورتاشا اۋىرلىقتا, ەكىنشىسىنىكى اۋىر دەپ باعالانۋدا. ءبىر پاتسيەنت انەستەزيولوگيا, رەانيماتسيا جانە قارقىندى تەراپيا بولىمىندە, ەكىنشىسى كوپسالالى جاراقات بولىمىنە جاتقىزىلعان», دەلىنگەن قوعامدىق دەنساۋلىق ساقتاۋ باسقارماسى تاراتقان حابارلامادا.
جاراقات العاندارعا بارلىق قاجەتتى مەديتسينالىق كومەك كورسەتىلىپ جاتىر.
استانا قالاسى پوليتسيا دەپارتامەنتىنىڭ مالىمەتىنشە, ادامنىڭ ولىمىنە اكەپ سوققان ەڭبەك قاۋىپسىزدىگى ەرەجەلەرىن بۇزۋ فاكتىسى بويىنشا قىلمىستىق ءىس قوزعالدى.
