مۋزەي اكىمشىلىگىنىڭ مالىمەتىنشە, قىلمىسكەرلەر عيماراتقا تۇنگى ۋاقىتتا كىرىپ, شىنى سورەلەردى سىندىرعان. باسىلىمنىڭ حابارلاۋىنشا, التى كونە ءمۇسىن ۇرلانعان.
داماسك قالالىق ىشكى قاۋىپسىزدىك باسقارماسىنىڭ وكىلى تەرگەۋ ورگاندارى ۇرىلاردى ۇستاۋ جانە ۇرلانعان مادەني مۇرالاردى ەل قازىناسىنا قايتارۋ ءۇشىن بارلىق قاجەتتى شارالاردى قولعا العانىن مالىمدەدى.
1936 جىلى ىرگەتاسى قالانعان سيريا ۇلتتىق مۋزەيى اراب الەمىندەگى ەڭ كونە جانە ەڭ بەدەلدى مادەني ورتالىقتاردىڭ ءبىرى سانالادى. ازاماتتىق سوعىس باستالعان سوڭ, 2012 جىلى مۋزەي ءوز جۇمىسىن توقتاتۋعا ءماجبۇر بولعان. 2018 جىلى ونىڭ ءبىر بولىگى قايتا اشىلسا, 2025 جىلدىڭ قاڭتارىندا بيلىك اۋىسقاننان كەيىن مۋزەي تولىق قالپىنا كەلىپ, كەلۋشىلەرگە ەسىگىن ايقارا اشقان ەدى.
