«پيسما پرەزيدەنتۋ» Telegram-ارناسىنىڭ مالىمەتىنشە, ول قاشۋعا ارەكەت جاساعان.
ء«تىنتۋ كەزىندە 190 مىڭ تەڭگە تابىلىپ, تاركىلەندى. كۇدىكتى تىركەلمەگەن تەگىس ۇڭعىلى اڭشى مىلتىعىن تاركىلەۋ فاكتىسى بويىنشا قىلمىستىق جاۋاپكەرشىلىككە تارتپاۋ ءۇشىن اقشا تالاپ ەتكەن», دەلىنگەن حابارلامادا.
تۇركىستان وبلىسى پوليتسيا دەپارتامەنتىنىڭ تۇسىنىكتەمەسىندە, بۇل فاكتىنى دەپارتامەنتتىڭ وزىندىك قاۋىپسىزدىك باسقارماسى ۇقك دەپارتامەنتىمەن بىرلەسىپ انىقتاعانىن ءمالىم ەتتى.
«قازىر كۇدىكتى ۋاقىتشا ۇستاۋ يزولياتورىنا قامالدى. وقيعانىڭ بارلىق ءمان-جايىن انىقتاۋ ءۇشىن سوتقا دەيىنگى تەرگەۋ ءجۇرىپ جاتىر. ديستسيپلينارلىق كوميسسيانىڭ شەشىمىمەن اتالعان قىزمەتكەر ىشكى ىستەر ورگاندارىنان تەرىس سەبەپپەن جۇمىستان شىعارىلدى. سونىمەن قاتار باسقا جاۋاپتى تۇلعالارعا قاتىستى قىزمەتتىك تەكسەرىس جۇرگىزىلىپ جاتىر», دەلىنگەن حابارلامادا.
پوليتسيا دەپارتامەنتى ءوز قاتارىن ادال ەمەس قىزمەتكەرلەردەن تازارتۋ, قىزمەتتىك ءتارتىپتى كۇشەيتۋ جانە زاڭدىلىقتى قاتاڭ ساقتاۋ باعىتىنداعى جۇمىستار جۇيەلى تۇردە جالعاسىپ جاتقانىن اتاپ ءوتتى.
