مونوگرافيانى قاراعاندىداعى «Buketov University» ۇلتتىق جوعارى وقۋ ورنىنىڭ عالىمدارى دايىنداعان. وسى ۋنيۆەرسيتەت دەلەگاتسياسى جاقىندا «QS Higher Ed Summit: Asia Pacific 2025» حالىقارالىق فورۋمىنا قاتىستى. اۋقىمدى جيىن ازيا-تىنىق مۇحيتى ايماعىنداعى جوعارى ءبىلىم بەرۋدىڭ دامۋ ۇردىستەرى, يننوۆاتسيالار جانە حالىقارالىق ىنتىماقتاستىق ماسەلەلەرىنە ارنالدى. وسى كەلەلى ءىس-شارا اياسىندا ۇيىمداستىرىلعان «Korea Foundation» الاڭىندا «قازاقستانداعى كورەيلەردىڭ تاريحي-مادەني مۇراسى» اتتى عىلىمي مونوگرافيانى تانىستىردى.
سونداي-اق دەلەگاتسيا سەۋلدەگى سۋنگسين ايەلدەر ۋنيۆەرسيتەتىندە (Sungshin Women’s University) رەسمي كەزدەسۋ وتكىزىپ, ءوزارا تۇسىنىستىك تۋرالى مەموراندۋمعا قول قويدى. قۇجاتتا عىلىمي زەرتتەۋلەر جۇرگىزۋ, اكادەميالىق ۇتقىرلىقتى دامىتۋ, پروفەسسورلىق-وقىتۋشىلىق قۇرام مەن ستۋدەنتتەر اراسىنداعى ارىپتەستىك بايلانىستاردى كەڭەيتۋ باعىتتارى قامتىلدى. ساپار اياسىندا قازاق عالىمدارىنىڭ ەڭبەكتەرى حانكەن ۇلتتىق ۋنيۆەرسيتەتىنە جانە سۋۆون ۋنيۆەرسيتەتىنىڭ پروفەسسورى پاك حۆانعا تابىستالدى.
