جالپى ءوسىمنىڭ 30%-ى – ونەركاسىپ سەكتورىنىڭ ەنشىسىندە. ساۋدا مەن كولىك سالالارىمەن بىرگە ەسەپتەگەندە بۇل كورسەتكىش 70%-دان اسىپ جىعىلادى. ەكونوميكانىڭ تىرەگى سانالاتىن تاۋار ءوندىرۋ كولەمى 8,2%-عا, ال قىزمەت كورسەتۋ سەكتورى 5,3%-عا ارتقان. اسىرەسە وڭدەۋ ونەركاسىبىندەگى 5,8% ءوسىم ءوندىرىستىڭ ناقتى باعىتتارىندا ءونىم كولەمىنىڭ ۇلعايۋىمەن تىكەلەي بايلانىستى. ماسەلەن, ماشينا جاساۋ سالاسى 11,5%-عا, سونىڭ ىشىندە اۆتوموبيل ءوندىرىسى 13,3%-عا, حيميا ونەركاسىبى – 10,9%-عا, ازىق-ت ۇلىك – 9,1%-عا, مۇناي ونىمدەرى – 6,3%-عا, مەتالل بۇيىمدارى – 14,1%-عا, قۇرىلىس ماتەريالدارى 5,3%-عا وسكەن.
قۇرىلىس سالاسىنداعى ءوسىم ءىرى ينفراقۇرىلىمدىق جوبالاردى جۇزەگە اسىرۋمەن بايلانىستى بولىپ وتىر. قۇرىلىس جۇمىستارى كولەمىنىڭ ارتۋى 2025 جىلعى قاڭتار-قىركۇيەكتەگى 14,9%-بەن سالىستىرعاندا 15,1%-دى قۇرادى.
ال اۋىل شارۋاشىلىعى سالاسى ماۋسىمدىق ءوسۋ كەزەڭىنە ەندى. جالپى ءونىم كولەمى قاڭتار-قىركۇيەك ايلارىمەن سالىستىرعاندا 5,4%-عا ارتتى. وسىمدىك شارۋاشىلىعىندا ءوسىم 6,7%-عا, مال شارۋاشىلىعىندا 3,4%-عا جەتتى. جالپى ءونىم مەملەكەتتىك قولداۋ شارالارىمەن, اگروتەحنولوگيالاردى ساقتاۋمەن جانە ەگىن جيناۋ كەزىندەگى قولايلى اۋا رايىمەن بايلانىستى بولىپ وتىر.
بىرقاتار وڭىردە ءداندى داقىلداردىڭ ونىمدىلىگى ارتتى. ونىڭ ىشىندە اقمولا (+13,6%), قوستاناي (+14,9%), پاۆلودار (+7,4%) وبلىستارى بار. ءسۇت ءوندىرىسى – 5,2%-عا, ەت ءوندىرىسى – 2,8%-عا, جۇمىرتقا ءوندىرىسى 1,4%-عا ءوستى.
ساۋدادا ءوسىم دەڭگەيى 9%-دى قۇرادى. ءوسۋ قارقىنى سالاداعى ۇلەسى 66,5% بولاتىن كوتەرمە ساۋدا كاسىپورىندارىندا بايقالدى. اينالىم قاراجاتىنىڭ ۇلعايۋى پاۆلودار, اتىراۋ وبلىستارى مەن استانا قالاسىندا تىركەلگەن.
سونداي-اق كولىك سالاسىندا دا ەداۋىر جوعارى ءوسىم تىركەلدى. بارلىق كولىك ءتۇرى بويىنشا تاسىمالدىڭ وسۋىنە بايلانىستى كولىك قىزمەتىنىڭ كولەمى 20,7%-عا ارتتى.
جوعارىداعى كورسەتكىشتەر ەل ەكونوميكاسىنىڭ قۇرىلىمدىق تۇرعىدان دامىپ, ءارتاراپتاندىرىلىپ جاتقانىن ايعاقتايدى.
