اتالعان ورتالىقتىڭ باسشىسى لاۋازامىنا نۇرلىبەك ساقپاروۆ تاعايىندالدى. ول 1966 جىلى اتىراۋ وبلىسىندا دۇنيەگە كەلگەن. جوعارى ءبىلىمى بار. ماماندىعى – ينجەنەر-قۇرىلىسشى. ەڭبەك جولىن 1987 جىلى گۋرەۆ وبلىستىق مەملەكەتتىك بانكىندە باستاعان. كەيىن بانك, ساقتاندىرۋ جانە ەنەرگەتيكا سالالارىندا باسشىلىق قىزمەت اتقارىپ, تۇرعىن ءۇي قۇرىلىس جيناق بانكى ديرەكتورىنىڭ ورىنباسارى بولعان.
2009-2014 جىلدارى جەكە قۇرىلىس كومپانيالارىندا جۇمىس ىستەدى. 2015 جىلدان بەرى اتىراۋ وبلىستىق قۇرىلىس, ساۋلەت جانە قالا قۇرىلىسى باسقارماسىندا باس مامان, ءبولىم باسشىسى قىزمەتتەرىن اتقارعان.
«ورتالىقتا جوبالىق-سمەتالىق قۇجات, تەحنيكالىق تالداۋ جانە ساراپتاما, ەكونوميكالىق تالداۋ جانە مونيتورينگىلەۋ, قۇقىقتىق سۇيەمەلدەۋ جانە اكىمشىلىك قولداۋ بولىمدەرى جۇمىس ىستەيدى. اتالعان بولىمدەردىڭ ماماندارى قۇرىلىس, ساۋلەت, جول, تۇرعىن ءۇي-كوممۋنالدىق شارۋاشىلىق پەن تابيعاتتى پايدالانۋ سالالارىنداعى ينۆەستيتسيالىق ۇسىنىستاردى قارايدى. ينۆەستيتسيالىق جوبالارعا تالداۋ جاساپ, باعالاۋ جۇرگىزەدى», دەيدى نۇرلىبەك ساقپاروۆ.
