2022 جىلى اتالعان كاسىپورىننىڭ لاۋازىمدى تۇلعالارى كەدەن ورگاندارىنا جالعان مالىمەتتەر ۇسىنىپ, قۇنى 254 ميلليون تەڭگە بولاتىن جالپى سالماعى 75 توننادان اساتىن كوك سەركە ەتىن ەۋروپالىق وداق ەلدەرىنە زاڭسىز ەكسپورتتاعان.
بالىق ونىمدەرىنىڭ زاڭدى شىعۋ تەگىن كورسەتۋ ماقساتىندا كاسىپورىن شىن مانىندە بالىق ءوسىرۋ نەمەسە ۇستاۋ جاعدايلارى بولماعان وزىمەن بايلانىسى بار تۇلعالار مەن شارۋاشىلىقتاردان بالىق ساتىپ الىنعانى جونىندە جالعان قۇجاتتار رەسىمدەگەن.
تەكسەرۋ بارىسىندا بۇل شارۋاشىلىقتارداعى سۋ ايدىندارىنىڭ تولىقتاي كەۋىپ قالعانى, ال قۇجاتتاردا كورسەتىلگەن جۇك كولىكتەرىنىڭ تاسىمالداۋ قىزمەتىن ءىس جۇزىندە اتقارماعانى جانە توڭازىتقىش جابدىقتارمەن قامتاماسىز ەتىلمەگەنى انىقتالعان.
سونىمەن قاتار, تەرگەۋ بارىسىندا جالعان شوت-فاكتۋرالار جازىلعانى جانە بالىق ونىمدەرىن تاسىمالداۋعا زاڭسىز ۆەتەرينارلىق انىقتامالار بەرىلگەنى دالەلدەنىپ وتىر.
سوت ۇكىمىمەن كاسىپورىننىڭ قۇرىلتايشىسى ا.ەرحاتوۆ جانە ديرەكتورى ل.قايىپنازاروۆا كىنالى دەپ تانىلىپ, 2 جىل مەرزىمگە باس بوستاندىعىن شەكتەۋ جازاسىنا كەسىلدى.
مەملەكەت پايداسىنا 254 ملن تەڭگە كولەمىندەگى زاڭسىز تابىس ءوندىرىلىپ الىنىپ وتىر.
سوت ۇكىمى زاڭدى كۇشىنە ەنگەن جوق.
