ۆەدومستۆو مالىمەتىنشە, اتالعان بالالار ءۇيى — جەكە قايىرىمدىلىق ۇيىمى, وندا قازىرگى ۋاقىتتا 35 بالا تاربيەلەنىپ وتىر.
«قازىرگى تاڭدا بارلىق تاربيەلەنۋشىنىڭ جاعدايى جاقسى, ولار قاۋىپسىز جەرگە ورنالاستىرىلدى. ءىس-قيمىلداردى ۇيلەستىرۋ ءۇشىن جەدەل شتاب قۇرىلدى. ونىڭ قۇرامىنا اكىمدىك وكىلدەرى, كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيا حاتشىسى, قوعامدىق كەڭەس پەن ۇكىمەتتىك ەمەس ۇيىمداردىڭ وكىلدەرى, سونداي-اق قورعانشىلىق ورگاندارىنىڭ, وتباسىن قولداۋ ورتالىعى مەن پسيحولوگيالىق كومەك ورتالىقتارىنىڭ ماماندارى كىردى. مەديتسينا قىزمەتكەرلەرى بالالاردى تەكسەرۋدەن وتكىزىپ, پسيحولوگتار كومەك كورسەتتى. بالالار ءۇشىن قاشىقتان وقۋ ۇيىمداستىرىلدى. قازىر تاربيەلەنۋشىلەردى ءارى قاراي ورنالاستىرۋ ماسەلەسى قاراستىرىلىپ جاتىر», دەلىنگەن بالا قۇقىقتارىن قورعاۋ كوميتەتىنىڭ حابارلاماسىندا.
ۆەدومستۆو بالالارعا قاتىستى بارلىق ماسەلە تولىق شەشىلگەنگە دەيىن جاعدايدى ەرەكشە باقىلاۋدا ۇستايتىنىن اتاپ ءوتتى.
ەسكە سالا كەتەيىك, 9 قاراشا, جەكسەنبى كۇنى الماتى قالاسىندا التىن وردا كوشەسىندە ورنالاسقان بالالار ءۇيىنىڭ اسحاناسىندا ءورت شىققان بولاتىن. ءورت اسحانانى جانە وعان جالعاسقان ءۇش قاباتتى عيماراتتىڭ شاتىرىن شارپىعان.
قالانىڭ بارلىق جەدەل قىزمەتتەرى وقيعا ورنىنا جۇمىلدىرىلىپ, كەشكە قاراي ءورت اۋماعى 1000 شارشى مەترگە جەتكەن سوڭ تولىعىمەن ءسوندىرىلدى.
