فوتو: Domov.sme.sk
ەلدىڭ ىشكى ىستەر ءمينيسترى ماتۋش شۋتاي-ەشتوك وقيعا ورنىنا بارىپ, زارداپ شەككەندەرگە كومەك كورسەتىلىپ جاتقانىن مالىمدەدى. ونىڭ ايتۋىنشا, 11 ادام اۋرۋحاناعا جەتكىزىلگەن.
پويىزداردا شامامەن 800 جولاۋشى بولعان. قاۋىپسىزدىك ماقساتىندا براتيسلاۆا ماڭىنداعى ماڭىزدى تەمىرجول جەلىسىندە قوزعالىس ۋاقىتشا توقتاتىلدى.
پوليتسيانىڭ الدىن الا تەرگەۋ ناتيجەلەرى بويىنشا, پويىزدار بەتپە-بەت سوقتىعىسپاعان جانە ەشبىر ۆاگون رەلستەن شىقپاعان. اپاتتىڭ ناقتى سەبەبى انىقتالىپ جاتىر.
Reuters اگەنتتىگىنىڭ مالىمەتىنشە, بۇل سلوۆاكيادا سوڭعى ءبىر ايدىڭ ىشىندە تىركەلگەن ەكىنشى تەمىرجول اپاتى. 13 قازاندا ەلدىڭ شىعىسىندا بولعان اپاتتان 91 ادام جاراقات العان بولاتىن.
