كورمە بارىسىندا ءوڭىردىڭ ونەركاسىپ, اۋىل شارۋاشىلىعى, ەنەرگەتيكا جانە تۋريزم سالالارىنداعى الەۋەتىن تانىستىردى. كورمەگە «كوكشەتاۋ مينەرالدى سۋلارى» اكتسيونەرلىك قوعامى مەن «گورمولزاۆود» سەرىكتەستىگى ءوز ونىمدەرىن ۇسىندى.
ءىس-شارا اياسىندا وبلىس دەلەگاتسياسى كولىك جانە ساۋدا ينتەگراتسياسى سالاسىنداعى ىنتىماقتاستىق تۋرالى كەلىسىمدەرگە, سونداي-اق اقمولا وبلىسىنىڭ «قىتاي – ورتالىق ازيا» ەركىن ساۋدا ىنتىماقتاستىعى پلاتفورماسىندا اككرەديتاتسياسى جانە «Aqmola Invest» ينۆەستيتسيالاردى دامىتۋ ورتالىعىنىڭ وكىلدىگىن تسزيانسۋ پروۆينتسياسىنىڭ نانكين قالاسىنداعى «ورتالىق ازيا» ينۆەستيتسيالىق ۇيىندە اشۋ تۋرالى ستراتەگيالىق نەگىزدەمەلىك كەلىسىمگە قول قويدى.
ۇلتتىق كورمە ورتالىعىندا وبلىس اكىمى مارات احمەتجانوۆ تسزيانسۋ پروۆينتسياسىنىڭ گۋبەرناتورى ليۋ سياوتاو جانە نانكين قالالىق پارتيا كوميتەتىنىڭ حاتشىسىمەن كەزدەستى. تاراپتار ساۋدا-ەكونوميكالىق ىنتىماقتاستىقتىڭ كەلەشەگىن, وندىرىستىك جانە لوگيستيكالىق تىزبەكتەردى دامىتۋ ماسەلەلەرىن, سونداي-اق ء«بىر بەلدەۋ – ءبىر جول» باستاماسى اياسىنداعى بىرلەسكەن ينۆەستيتسيالىق جوبالاردى جۇزەگە اسىرۋ پەرسپەكتيۆالارىن تالقىلادى.
سونىمەن قاتار ءوڭىر دەلەگاتسياسى «قىتاي – ورتالىق ازيا» فورماتىنداعى ەركىن ساۋدا ىنتىماقتاستىعى پلاتفورماسىن تانىستىرۋعا ارنالعان پانەلدىك سەسسياعا قاتىستى.
اقمولا وبلىسى
