ول "دوسپەحي بوگا: ۋلتيماتۋم" اتتى جاڭا فيلمدە اكتەر ءارى ستسەناريست رەتىندە بوي كورسەتەدى. ونەر يەسى جاعىمدى جاڭالىقتى الەۋمەتتىك جەلىدەگى پاراقشاسىندا ءبولىستى.
رۇستەم وماروۆ اتاقتى ەكشن-فرانشيزانىڭ جاڭا بولىمىندە Salem Entertainment كومپانياسىنىڭ اتىنان ونەر كورسەتەدى.
- قۇتتىقتاي بەرسەڭىزدەر بولادى! مەن باقىتتىمىن, مەن دجەكي چاننىڭ "دوسپەحي بوگا: ۋلتيماتۋم" اتتى جاڭا جوباسىندا اكتەر ءارى ستسەناريست بولامىن. "بالا كۇنگى كۋميرىم دجەكي چانمەن بىرگە ءبىر فيلمگە تۇسەتىنىمە وتە قۋانىشتىمىن, – دەپ جازعان ول.
بۇل حابار الەۋمەتتىك جەلى قولدانۋشىلارىن بەيجاي قالدىرمادى. ولار رۇستەم وماروۆتىڭ قۋانىشىنا ورتاقتاسىپ, جىلى پىكىرلەر قالدىرىپ جاتىر.
ايتا كەتەيىك, بۇعان دەيىن الەمگە ايگىلى اكتەر دجەكي چان الماتىعا كەلگەن بولاتىن. كەيىنىرەك ونىڭ ساپارىنىڭ ماقساتى بەلگىلى بولدى.
Salem Entertainment مالىمەتىنشە, تاراپتار ءىرى بىرلەسكەن جوبانى جۇزەگە اسىرۋعا كىرىسكەن. الماتىدا بولعان ۋاقىتىندا اكتەر الداعى كارتينانىڭ ءتۇسىرىلىم الاڭدارىن تاڭداعان.
- تولىعىراق مالىمەتتى ازىرگە قۇپيا ساقتايمىز. بىراق سەنىڭىزدەر, الدا سىزدەردى عالامات جاڭالىقتار كۇتۋدە. جاڭالىقتارىمىزدى باقىلاپ وتىرىڭىزدار, ەڭ قىزىعى ءالى الدا! – دەلىنگەن حابارلامادا.
