فوتو: weknowyourdreams.com
سپيكەردىڭ ايتۋىنشا, 2018 جىلى جالپى اۋماعى 415 مىڭ گەكتاردان اساتىن «ىلە-بالقاش» مەملەكەتتىك تابيعي رەزەرۆاتى قۇرىلىپ, توعايلى ورمانداردى قالپىنا كەلتىرۋ جانە اۋماقتى قورعاۋ مەن باقىلاۋ ينفراقۇرىلىمىن دامىتۋ جۇمىستارى جۇرگىزىلدى. 3,5 گەكتار اۋماقتا جولبارىستارعا جانە قاباندارعا ارنالعان ۆولەرلەر, ۆەتەريناريالىق پۋنكت سالىندى.
«2024 جىلدىڭ كۇزىڭدە نيدەرلاندتاعى Hoenderdaell حايۋاناتتار باعىنان «ىلە-بالقاش» رەزەرۆاتىنا ەكى جولبارىس جەتكىزىلدى. قازىرگى ۋاقىتتا ولار تاۋلىك بويى مامانداردىڭ باقىلاۋىنا الىنعان. كەلەشەكتە جولبارىستان ءتول العاننان كەيىن ولار سپۋتنيكتىك باقىلاۋمەن تابيعي ورتاعا جىبەرىلەدى دەپ جوسپارلانعان. ال اتا-انالىق جۇپ عىلىمي جانە اعارتۋشىلىق ماقساتتاردا ۆيزيت-ورتالىق جانىنداعى ۆولەردە قالادى. 2026 جىلى رەسەيدەن 3-4 جولبارىستى اكەلۋ جوسپارلانعان», دەدى د.تۇرعامباەۆ.
